Pune Crime News : पाण्याच्या टँकरमध्ये आढळला महिलेचा मृतदेह, फुरसुंगीत धक्कादायक घटना

पुण्यातील फुरसुंगीमध्ये धक्कादायक प्रकार समोर आला असून पाण्याच्या टँकरमध्ये महिलेचा मृतदेह आढळून आला आहे. फुरसुंगी येथे पॉवर हाऊसजवळ टँकरमधून पाणी सोडताना सदर घटना उघडकीस आली.

सदर घटना फुरसुंगी येथे घडली असून मृत महिलेचे नाव कौशल्या मुकेश चव्हाण (वय 25) असे आहे. पोलिसांनी दिलेल्या माहितीनुसार टँकर मालक पुरुषोत्तम ससाणे यांनी बुधवारी (19 जून) संध्याकाळी साडेनऊच्या सुमारास हांडेवाडी येथे घराशेजारी टँकर पार्क केला होता. दुसऱ्या दिवशी सकाळी (20 जून) ते टँकर फुरसुंगी येथे पॉवर हाऊसजवळ घेऊन गेले आणि टँकरमधून पाणी सोडायला सुरुवात केली. मात्र टँकरमधून पाणी आले नाही. त्यामुळे टँकर खोलून पाहिला असता आतमध्ये महिलेचा मृतदेह आढळून आला. त्यानंतर त्यांनी तत्काळ सदर घटनेची माहिती पोलिसांना दिली. घटनेची माहिती मिळताच पोलिसांनी घटनास्थळी धाव घेतली. त्यानंतर मृतदेह ससून रुग्णालयामध्ये शवविच्छेदनासाठी पाठविण्यात आला. शवविच्छेदन अहवाल आल्यानंतर महिलेची हत्या झाली की तिने आत्महत्या केली? याचा उलगडा होईल, अशी माहिती पोलिसांनी दिली.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.