आळंदीत 275 रक्तदात्यांनी केले रक्तदान; आरोग्य तपासणी शिबिरास उत्स्फुर्त प्रतिसाद

आळंदी येथील श्री आळंदी धाम सेवा समितीचे वतीने आयोजित रक्तदान शिबिरात 275 रक्तदात्यांनी रक्तदान करून शिबिरास मोठा प्रतिसाद दिला. यावेळी आयोजित नेत्रतपासणी शिबिरात 321 जणांची तपासणी करण्यात आली. यात 211 नागरिकांना मोफत आरोग्य तपासणीसह चष्मे वाटप करण्यात आल्याचे संयोजक समितीचे अध्यक्ष राहुल चव्हाण यांनी सांगितले.

रक्तदान व आरोग्य शिबिराचे उद्घाटन भगवान पोखरकर यांच्या हस्ते झाले. यावेळी योगी निरंजननाथ, नितीन गोरे, डी. डी. भोसले, डॉ. राम गावडे, प्रकाश वाडेकर, सतीष मोटे, ज्ञानेश्वर वीर, सचिन गिलबिले, महेश शेवकरी, प्रकाश कुऱ्हाडे, मोहन महाराज शिंदे, किरण येळवंडे, सचिन काळे, सुनील काटे, धनंजय पठारे, रमेश वहीले, वंदना आल्हाट, संकेत वाघमारे, मनोहर दिवाणे, साईनाथ ताम्हणे, नितीन ननवरे, किशोर देशपांडे, ज्ञानेश्वर गारकर, राजेश नागरे, प्रदिप तळेकर, धनंजय मुंगसे, परसराम धनवडे, अक्षय पाटील, अजय पवार, सुयोग भालेकर आदी उपस्थित होते.

रक्तदान व आरोग्य शिबिरास कमलेश हॉस्पिटल, चव्हाण हॉस्पिटल, धारा हॉस्पिटल, सुर्या नेत्रालय तसेच वेदश्री तपोवन यांचे सहकार्य मिळाले. यावेळी विविध मान्यवरांनी मार्गदर्शन करीत उपक्रमाचे कौतुक केले. केले. या शिबिरात महिलांनी देखील उत्साही प्रतिसाद देत रक्तदान केले.