‘तारक मेहता का उल्टा चष्मा’ ही मालिका गेल्या 16 वर्षांपासून प्रेक्षकांचं मनोरंजन करतेय. आतापर्यंत या मालिकेत अनेक नवीन कलाकार आहे आणि जुने कलाकारांची एक्झिट झाली. मात्र कलाकार जुने असो किंवा नवीन.. प्रत्येक भूमिकेनं प्रेक्षकांच्या मनावर विशेष छाप सोडली आहे. काही दिवसांपूर्वीच यामध्ये टप्पूची भूमिका साकारणाऱ्या अभिनेत्याने मालिकेला रामराम केला. आता टप्पू सेनेमधील आणखी एका अभिनेत्याची मालिकेतून एक्झिट होणार असल्याचं कळतंय. ही भूमिका गोलीची असल्याचं समजतंय. एका फॅनपेजवर गोलीची भूमिका साकारणारा अभिनेता कुश शाहचा फोटो पोस्ट करण्यात आला आहे. ज्या व्यक्तीचं हे फॅनपेज आहे, त्याची कुश शाहसोबत अचानक भेट झाली होती. या भेटीदरम्यान त्याने न्यूयॉर्कमधील शिक्षण पूर्ण करण्यासाठी मालिका सोडणार असल्याचं सांगितलंय. यासंदर्भातील पोस्ट आता सोशल मीडियावर व्हायरल होत आहे.
या पोस्टमध्ये लिहिलंय, ‘स्टॅच्यू ऑफ लिबर्टीच्या दिशेने जाताना माझी अचानक भेट कुश शाह उर्फ गोलीशी झाली. त्याने मला सांगितलं की त्याने ‘तारक मेहता..’ ही मालिका सोडली असून न्यूयॉर्कमध्ये तो शिक्षण पूर्ण करतोय.’ या पोस्टवर नेटकऱ्यांकडून प्रतिक्रियांचा वर्षाव होतोय. एका चाहत्याने लिहिलं, ‘आता तर या मालिकेत काहीच मनोरंजक राहिलं नाही. माझे सर्व आवडते कलाकार मालिका सोडून जातायत.’ तर दुसऱ्याने मालिका सोडण्याचा निर्णय कुशसाठी चांगला असल्याचं म्हटलंय.
कुश शाहने खरंच मालिका सोडली का, याविषयी त्याने अद्याप कोणतीच अधिकृत प्रतिक्रिया दिली नाही. मात्र मालिकेत त्याने त्याच्या विनोदाच्या अचूक टायमिंगने आणि परफॉर्मन्सने प्रेक्षकांची मनं जिंकली आहेत. त्याने साकारलेली गोलीची भूमिका प्रेक्षकांना खूपच आवडली आहे. आता मालिकेच्या पुढील भागात कुश दिसणार की नाही, हे पाहणं महत्त्वाचं ठरणार आहे. आतापर्यंत या मालिकेतून बऱ्याच कलाकारांची एक्झिट झाली आहे. यामध्ये दयाबेनची भूमिका साकारणारी दिशा वकानी, टप्पूची भूमिका साकारणारा राज अनाडकर, तारक मेहताची भूमिका साकारणारे शैलेश लोढा, सोनूची भूमिका साकारणारी झील मेहता यांचा समावेश आहे.
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
.jpeg)
Comment List