देशातील सर्वांत श्रीमंत सेलिब्रिटी कोण? तब्बल इतक्या हजार कोटींची संपत्तीचा मालक

शाहरुख खान (जवळपास 6300 कोटी रुपये)- शाहरुखच्या जवान आणि पठाण या चित्रपटांनी जगभरात 2000 कोटी रुपयांपेक्षा अधिक कमाई केली. किंग खान हा बॉलिवूडमधील सर्वाधिक मानधन घेणारा अभिनेता आहे. एका चित्रपटासाठी ते 150 ते 250 कोटी रुपये मानधन घेत असल्याची माहिती आहे.

सलमान खान (जवळपास 2900 कोटी रुपये)- शाहरुख पाठोपाठ अभिनेता सलमान खान हा सर्वाधिक मानधन घेणारा अभिनेता आहे. त्याच्या 'टायगर 3' या चित्रपटाने जगभरात 466.63 कोटी रुपयांचा गल्ला जमवला होता. सलमान एका चित्रपटासाठी 100 ते 150 कोटी रुपये मानधन घेतो.

अक्षय कुमार (जवळपास 2500 कोटी रुपये)- या यादीत बॉलिवूडचा 'खिलाडी' अर्थात अभिनेता अक्षय कुमार तिसऱ्या स्थानी आहे. एका चित्रपटासाठी तो 60 ते 145 कोटी रुपये मानधन घेतो. एका वर्षात अक्षयचे चार ते पाच चित्रपट प्रदर्शित होतात.

आमिर खान (जवळपास 1862 कोटी रुपये)- बॉलिवूडचा मिस्टर परफेक्शनिस्ट या यादीत चौथ्या क्रमांकावर आहे. आमिरने आजवर अनेक हिट चित्रपट दिले. 'दंगल' आणि 'पीके'सारख्या चित्रपटांनी कमाईचे अनेक विक्रम मोडले आहेत. आमिर एका चित्रपटासाठी 100 ते 175 कोटी रुपये मानधन घेतो.

जोसेफ विजय (जवळपास 474 कोटी रुपये)- थलपत विजय हा दाक्षिणात्य चित्रपटसृष्टीतील सर्वांत लोकप्रिय अभिनेता आङे. गेल्या दोन दशकांपासून तो अभिनयक्षेत्रात कार्यरत असून त्याच्या 'वारिसू' आणि 'लियो' या चित्रपटांनी दमदार कमाई केली. विजय एका चित्रपटासाठी 130 ते 200 कोटी रुपये मानधन घेतो.