Maharashtra Police: 17,471 कॉन्स्टेबल पदांसाठी 17 लाखांहून अधिक अर्ज

महाराष्ट्र पोलिसांना 17,471 कॉन्स्टेबल पदांच्या भरतीसाठी 17.76 लाख अर्ज प्राप्त झाले आहेत. प्रसारमाध्यमांशी बोलताना महाराष्ट्र पोलीस अधिकाऱ्यानं सांगितलं की, कॉन्स्टेबल, ड्रायव्हर, बँड मेन, राज्य जलद कृती दलाचे कर्मचारी आणि तुरुंग कर्मचारी या पदांसाठीची भरती प्रक्रिया लोकसभा निवडणुकीमुळे थांबवण्यात आली होती आणि ती आता 19 जूनपासून सुरू होणार आहे.

फक्त 41 पदांसाठी 32,023 अर्जांसह सर्वात जास्त मागणी असलेली नोकरी बँड मॅनची आहे, ते म्हणाले की निवडलेल्या व्यक्ती राज्य पोलीस बँडमध्ये सेवा देतील.

या वर्षी प्राप्त झालेल्या अर्जांपैकी 40 टक्क्यांहून अधिक अर्ज हे उच्च शिक्षित उमेदवारांचे आहेत, अशी माहिती अधिकाऱ्यानं दिली आहे.

महाराष्ट्र पोलिसांनी शेअर केलेल्या आकडेवारीनुसार, 9,595 कॉन्स्टेबल पदांसाठी, 8,22,984 अर्ज आले आहेत, तर 1,686 कॉन्स्टेबल ड्रायव्हर पदांसाठी, 1,98,300 अर्ज आले आहेत.

1,800 तुरुंग हवालदार पदांसाठी, 3,72,354 अर्ज प्राप्त झाले आहेत. तर जलद कृती दलातील 4,349 पदांसाठी 3,50,592 अर्ज प्राप्त झाले आहेत.

कॉन्स्टेबल पदांसाठी निवड प्रक्रियेमध्ये शारीरिक चाचण्या, लेखी परीक्षा आणि मुलाखतींचा समावेश होतो.

राज्यभरातील विविध युनिटमध्ये बुधवारपासून शारीरिक चाचण्यांची प्रक्रिया सुरू होत आहे.

एका उमेदवाराला दोन वेगवेगळ्या ठिकाणी चाचण्यांसाठी बोलावलं जाण्याची शक्यता असल्यानं, प्रत्येक युनिट प्रमुख उमेदवाराच्या विनंतीनुसार चाचणीसाठी उमेदवाराला वेगवेगळ्या तारखा देईल जेणेकरून तो/ती दोन्ही ठिकाणी चाचणीस उपस्थित राहू शकेल, असं पोलीस अधिकाऱ्यांनी सांगितलं.