माजी राज्यपाल मुरलीधर भांडारे यांचे निधन

ओरिसाचे माजी राज्यपाल मुरलीधर भांडारे यांचे दिल्ली येथील निवासस्थानी वृद्धापकाळाने निधन झाले. त्यांचे वय 95 वर्ष होते. त्यांनी तीन वेळा राज्यसभेची खासदारकी भुषवली होती. त्यांच्या पार्थिवावर दिल्लीतील राजघाट येथील वैकुंठभुमीत अंत्यसंस्कार करण्यात आले.

मुरलीधर भांडारे हे मुळचे गिरगाव येथील रहिवासी होते. सर्वेच्च न्यायालयाचे निष्णात विधिज्ञ म्हणून त्यांची ख्याती होती. दिल्लीतील मराठी मंडळी, कला संगीत क्षेत्रात तसेच बार असोसिएशनमध्ये त्यांना मानाचे स्थान होते. त्यांनी केंद्र सरकारच्या विविध समित्यांवर त्यांनी लक्षणीय काम केले होते. युनोच्या ह्युमन राईट कमिटीचे अध्यक्ष या नात्याने भांडारे यांनी हिंदुस्थानचे प्रतिनिधीत्व केले होते. त्यांच्या पश्चात मुलगा, सून, कन्या, जावई, नातवंडे असा मोठा परिवार आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.