रविंद्र वायकर हे लोकसभेत जाणार नाहीत – संजय राऊत

उत्तर पश्चिम मुंबई मतदारसंघात मतमोजणी केंद्रावर निकालात हेराफेरी आणि गोलमाल झाल्याचे अनेक पुरावे समोर आले आहेत. त्याविरोधात शिवसेना न्यायालयात जाणार आहे. त्याविषयी शिवसेना (उद्धव बाळासाहेब ठाकरे) पक्षाचे नेते, खासदार संजय राऊत यांनी मंगळवारी पत्रकार परिषेदत बोलताना ‘रविंद्र वायकर हे लोकसभेत जाणार नाहीत’, असा विश्वास व्यक्त केला आहे.

“रविंद्र वायकर शिवसेनेत होते. स्टँडिंग चेअरमन बनले, आमदार बनले. उद्धव ठाकरे यांच्या अत्यंत जवळचे मानले जायचे. मात्र नंतर ईडी सीबीआयच्या भीतीने हा डरपोक माणूस पळाला आणि मिंधे गटात गेला. आता डरपोक माणूस आम्हाला काय ज्ञान देतोय. तुम्ही तुमच्यावरील ईडीच्या केसवर बोला. लवकरच यातलं सत्य बाहेर येईल. या प्रकरणात आम्ही ईव्हीएमवर आरोप नाही केला आम्ही सिस्टीमवर आरोप केला आहे. रिटर्निंग ऑफिसरने जो धोका केला त्यांच्यावर आरोप केले आहेत. 19 व्या फेरीनंतर तिथे बराच बोगस पणा झाला आहे. त्यामुळे या विरोधात आम्ही न्यायालयात जाणार असून रविंद्र वायकर लोकसभेत नक्कीच नाही जाणार, असा विश्वास संजय राऊत यांनी व्यक्त केला.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.