सुमित नागलची क्रमवारीत ऐतिहासिक झेप

हिंदुस्थानचा स्टार टेनिसपटू सुमित नागलने एटीपीच्या एकेरी क्रमवारीत कारकडर्दीतील सर्वोत्तम 71 व्या स्थानी झेप घेत ऐतिहासिक कामगिरी केली. ऑलिम्पिकच्या तयारीला लागलेला नागल मागील आठवडय़ात जागतिक क्रमवारीत 77 व्या स्थानी होता.

सुमित नागलला पेरुगिया एटीपी चॅलेंजर स्पर्धेत उपविजेतेपदावर समाधान मानावे लागले. त्याला अंतिम लढतीत इटलीच्या लुसियानो डार्डेरीने 6-1, 6-2 असे पराभूत केले. या पराभवामुळे नागलची विजयी मालिकाही खंडित झाली. कारण या पराभवापूर्वी त्याने लागोपाठ नऊ विजय मिळविले होते. सुमित नागलने नुसती क्रमवारीत सुधारणा केली नाही, तर पुरुष एकेरीत पॅरिस ऑलिम्पिकचे तिकीटही बुक केले आहे. या वर्षीच्या ऑस्ट्रेलिया ओपनमध्ये त्याने दुसरी फेरी गाठली होती, मात्र फ्रेंच ओपनमध्ये तो सलामीलाच गारद झाला होता. नागलने या महिन्याच्या प्रारंभी जर्मनीतील हीलब्रॉन नेकरकप चॅलेंजर स्पर्धा व त्याआधी, फेब्रुवारीमध्ये चेन्नई ओपनचे विजेतेपद पटकाविले होते.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.