राजकुमार रावच्या ‘स्त्री 2’ चित्रपटात सिनेरसिकांसाठी सरप्राईज; ‘ही’ दाक्षिणात्य अभिनेत्री झळकणार

‘स्त्री’ या सिनेमाने 2018 साली बॉक्स ऑफिसवर धुमाकुळ घातल्यानंतर आता या सिनेमाचा दुसरा भाग लवकरच प्रेक्षकांच्या भेटीला येणार आहे. ‘स्त्री 2’ चित्रपटाची घोषणा करण्यात आली आहे. या सिनेमाचा पहिला टिझर रिलीज करण्यात आला आहे. या टिझरमध्ये अभिनेता राजकुमार राव आणि अभिनेत्री श्रद्धा कपूर यांची भन्नाट केमेस्ट्री पाहायला मिळत आहे. या सिनेमाची सध्या सिनेरसिकांमध्ये चर्चा पाहायला मिळत आहे. या सिनेमात प्रेक्षकांसाठी एक खास सररप्राईज असणार आहे. दाक्षिणात्य सिनेसृष्टीतील अभिनेत्री या सिनेमात पाहायला मिळणार आहे.

पॅन इंडियाची स्टार तमन्ना भाटिया चर्चेत असताना ‘अरनमानाई 4’ ने तमिळ बॉक्स ऑफिसवर तुफान कमाई केल्यानंतर ही अभिनेत्री बहुप्रतिक्षित ‘स्त्री 2’ मध्ये तिच्या खास भूमिकांसह बॉलिवूडच्या बॉक्स ऑफिसवर धुमाकूळ घालणार असल्याचं कळतंय. ‘मुंज्या’च्या शोसोबतच चित्रपटगृहांमध्ये प्रदर्शित झालेला चित्रपटाचा टीझर एका चाहत्याने ऑनलाइन लीक केला असू शकतो. या टीझर नुसार यात तमन्ना भाटिया एका डान्समध्ये दिसणार आहे.

स्त्री 2 मध्ये तमन्नाची झलक दिसणं नक्कीच खास आहे. टीझरमधील तिची झलक चित्रपटगृहांमध्ये चित्रपट पाहण्यासाठी वाट पाहत असलेल्या चाहत्यांमध्ये नक्कीच उत्साह वाढवत आहे. यापूर्वी, तमन्ना ‘जेलर’ मधील ‘कावला’ आणि ‘अरनमानाई 4’ मधील ‘अचाचो’ सारख्या गाण्यांमध्ये दिसली होती आणि ही गाणी तुफान लोकप्रिय झाली होती.

 

View this post on Instagram

 

A post shared by Tamannaah Bhatia (@tamannaahspeaks)

‘स्त्री 2’ ची झलक पाहता तमन्ना पुन्हा एकदा नवा रेकॉर्ड करणार का हे बघण उत्कंठावर्धक ठरणार आहे. दरम्यान तमन्नाने तिच्या वर्षाची सुरुवात ‘अरनमानाई 4’ बरोबर केली आहे, जो 2024 मध्ये तमिळ उद्योगातील पहिला हिट चित्रपट म्हणून उदयास आला आणि अभिनेत्रीच्या बॉक्स ऑफिस पराक्रमाचे प्रदर्शन केले. तमन्नाच्या सर्वोत्कृष्ट हिट चित्रपटांपैकी एक बनून बॉक्स ऑफिसवर 100 कोटी रुपये पार केले.

‘स्त्री 2’ बद्दल बोलायचे तर राजकुमार राव, अभिषेक बॅनर्जी, अपारशक्ती खुराना, श्रद्धा कपूर आणि पंकज त्रिपाठी यांची भूमिका असलेला हा चित्रपट यावर्षी 15 ऑगस्टला रिलीज होणार आहे. अमर कौशिक दिग्दर्शित हॉरर-कॉमेडी हा 2018 मध्ये रिलीज झालेल्या ‘स्त्री’चा सिक्वेल आहे.