देऊर रेल्वे गेट दोन दिवसांसाठी बंद

रेल्वेलाइनच्या दुरुस्तीसाठी लोणंद-सातारा महामार्गावरील देऊर (ता. कोरेगाव) येथील रेल्वे गेट क्रमांक 47 हे उद्यापासून (दि. 16) दोन दिवसांसाठी बंद करण्यात येणार आहे.

वाठार पोलिसांनी दिलेल्या माहितीनुसार, लोणंद-सातारा मार्गावरील देऊर रेल्वे गेट क्रमांक 47 हे रुळाच्या दुहेरीकरण व दुरुस्तीसाठी तसेच निरीक्षणासाठी रविवार (दि. 16) सकाळी 6 वाजल्यापासून ते सोमवार (दि. 17) सायंकाळी आठ वाजेपर्यंत वाहतुकीसाठी बंद ठेवण्यात येणार आहे. गेट बंद असलेल्या दोन दिवसांसाठी सातारा ते लोणंद या मार्गावरील वाहतुकीत बदल करण्यात आला आहे. लोणंद व फलटणकडून येणारी साताऱयाकडे जाणारी वाहने वाठार स्टेशनमधून पिंपोडे बुद्रूक किंवा वाघोली-अनपटवाडी मार्गे अंबवडे चौकातून सातारा दिशेने जातील. वाठार स्टेशनकडून कोरेगावला जाणारी वाहने तळीये पळशीमार्गे पुढे जातील. सातारा बाजूकडून लोणंदला जाणारी वाहने अंबवडे चौकातून अनपटवाडी -वाठार स्टेशन या मार्गावरून जातील. सातारा व लोणंदकडून येणारी अवजड वाहने राष्ट्रीय महामार्ग क्रमांक 4नेच जातील, असे सहायक पोलीस निरीक्षक अविनाश माने यांनी केले आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.