सिक्कीम पावसामुळे तिस्ता नदीला महापूर, दीड हजाराहून अधिक पर्यटक अडकले

सततच्या पावसामुळे सिक्कीममधील तिस्ता नदीला महापूर आला आहे. नदीकिनारी अनेक भागात पाणी साचले असून भूस्खलन आणि पुरामुळे अनेकांचा मृत्यू झाला आहे. या पुरात सुमारे दीड हजाराहून अधिक पर्यटक अडकल्याची भीती व्यक्त होत आहे. सिक्कीममध्ये मुसळधार पावसामुळे जनजीवन विस्कळीत झाले आहे. पावसामुळे कलिम्पोंग -दार्जिलिंग मार्ग बंद करण्यात आला असून उत्तर सिक्किम भागात झालेल्या भूस्खलनात आतापर्यंत अनेकांचे बळी गेले आहेत तर अनेकजण बेपत्ता आहेत. बुधवारी रात्रीपासून सुरू असलेल्या पावसामुळे दार्जिलिंग आणि कलिम्पोंगचा संपर्क तुटला आहे. मंगल जिह्यात झालेल्या भूस्खलनात सहाजणांचे बळी गेले असून दीड हजाराहून अधिक पर्यटक या भागात अडकले आहेत. मंगन जिह्यातील द्ज़ोंगू, चुंगथांग, लाचेन आणि लाचुंग ही शहरे पर्यटनासाठी प्रसिद्ध आहेत. मात्र या शहरांचा संपर्क तुटला आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.