विधिमंडळाचे पावसाळी अधिवेशन- राज्याचा अर्थसंकल्प 28 जूनला

राज्य विधिमंडळाचे पावसाळी अधिवेशन 27 जूनपासून सुरू होत आहे. 28 जूनला राज्याचा अतिरिक्त अर्थसंकल्प सादर होईल. या सरकारचे हे शेवटचे अधिवेशन आहे. विधानसभा निवडणुकांवर डोळा ठेवत या अधिवेशनात लोकप्रिय घोषणा होण्याची शक्यता आहे. 12 जुलैपर्यंत हे अधिवेशन चालणार आहे.

पावसाळी अधिवेशनाचे कामकाज ठरवण्यासाठी विधान भवनात आज कामकाज सल्लागार समितीची बैठक आयोजित करण्यात आली होती. या बैठकीला विधानसभा अध्यक्ष अॅड. राहुल नार्वेकर, विधान परिषद उपसभापती नीलम गोऱ्हे, मुख्यमंत्री एकनाथ शिंदे, विधान परिषदेतील विरोधी पक्षनेते विजय वडेट्टीवार, विधान परिषदेतील विरोधी पक्षनेते अंबादास दानवे उपस्थित होते.

अजित पवार गटाची बैठकीला दांडी

अर्थसंकल्पाच्या दृष्टीने ही बैठक महत्त्वाची होती, पण वित्तमंत्री अजित पवार किंवा त्यांच्या गटाचा एकही प्रतिनिधी उपस्थित नव्हता. विधानसभेच्या कामकाज सल्लागार समितीमध्ये अजित पवार गटाकडून मंत्री छगन भुजबळ आणि दिलीप वळसे-पाटील सदस्य आहेत, मात्र त्यांच्यापैकी कोणीही उपस्थित नव्हते.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.