मुंबई विद्यापीठाशी संलग्नित सर्व महाविद्यालये, स्वायत्त महाविद्यालये आणि मान्यताप्राप्त शिक्षण संस्थामध्ये पदव्युत्तर अभ्यासक्रमांच्या प्रवेश प्रक्रियेच्या ऑनलाइन नावनोंदणी आणि अर्ज सादर करण्यास मुदतवाढ दिली आहे. 19 जून संध्याकाळी 5 वाजेपर्यंत ही मुदतवाढ असून या कालावधीत प्रवेशपूर्व नोंदणी ते अर्ज सादर करणे अनिवार्य आहे.
मुंबई विद्यापीठामार्फत पदव्युत्तर अभ्यासक्रमांच्या प्रवेशाचे वेळापत्रक जाहीर करण्यात आले असून, 22 मे ते 15 जून या कालावधीत ऑनलाईन नावनोंदणी ते अर्ज सादर करण्याचा कालावधी निश्चित करण्यात आला होता. मात्र एखाद्या विद्यार्थ्यांस काही अपरिहार्य कारणास्तव नोंदणी ते अर्ज सादर करण्यास उशीर झाला असल्यास त्यांना संधी मिळावी या उद्देशाने ही मुदतवाढ दिली जात असल्याचे परीक्षा व मूल्यमापन मंडळाच्या संचालिका डॉ. पूजा रौंदळे यांनी सांगितले. तसेच विद्यापीठाच्या प्रचलित नियमानुसार व वेळापत्रकानुसार गुणवत्ता यादी ही त्या- त्या महाविद्यालयामार्फत व विद्यापीठातील पदव्युत्तर शैक्षणिक विभागाद्वारे जाहीर केली जाणार असल्याचेही त्यांनी सांगितले.
.jpeg)
.jpeg)
Comment List