अजिंक्य देव-अश्विनी भावे जोडी दिसणार 25 वर्षांनी एकत्र

एकेकाळी रसिकांच्या मनावर अधिराज्य करणारी सुप्रसिद्ध जोडी म्हणजे अजिंक्य देव आणि अश्विनी भावे. लवकरच ही जोडी ‘घरत गणपती’ या मराठी चित्रपटाच्या निमित्ताने रसिक दरबारी हजेरी लावणार आहे. चित्रपटात अजिंक्य देव आपल्याला कुटुंबवत्सल पती, प्रेमळ वडिल अशा भूमिकेत दिसणार असून कुटुंबाच्या पाठीशी ठामपणे उभी राहणाऱ्या करारी आईची व्यक्तिरेखा अश्विनी भावे साकारणार आहेत. आधीच्या चित्रपटांतील या जोडीची ऑनस्क्रीन केमिस्ट्री प्रेक्षकांना खूप भावली होती.

यापूर्वी ‘शाब्बास सूनबाई’,‘मायेची सावली’,‘चल गंमत करू’, ‘सरकारनामा’ या चित्रपटांमधील त्यांची जोडी लोकप्रिय ठरली होती. त्यामुळे 25 वर्षांनंतर पुन्हा एकदा या जोडीला ऑनस्क्रीन पाहण्यासाठी प्रेक्षक उत्सुक आहेत. पॅनोरमा, स्टुडिओज आणि नॅविअन्स स्टुडिओ यांच्या संयुक्त विद्यमाने ‘घरत गणपती’ हा चित्रपट 26 जुलै रोजी प्रेक्षकांच्या भेटीला येणार आहे. चित्रपटाचे दिग्दर्शन नवज्योत नरेंद्र बांदिवडेकर यांचे असून कुमार मंगत पाठक, अभिषेक पाठक, नम्रता बांदिवडेकर, गौरी कालेलकर-चौधरी यांनी ‘घरत गणपती’ चित्रपटाची निर्मिती केली आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.