माळशेज घाटात रिक्षावर दरड कोसळली; काका-पुतण्या जागीच ठार, तीन गंभीर जखमी

माळशेज घाटामध्ये सुशोभिकरणाच्या नावाखाली नको तिथे कामं सुरू आहेत. ठेकेदाराकडून ब्लास्टिंग करण्यात येत असल्याने घाटातील काही भाग कमकुवत झाला आहे. पावसाळ्यामध्ये अशा भागात कायम दरड कोसळण्याचा धोका असतो. मंगळवारी याच माळशेज घाटात रिक्षावर दरड कोसळली आणि दोघांचा मृत्यू झाला, तर तीन गंभीर जखमी झाले.

मिळालेल्या माहितीनुसार, मुंबईतील मुलुंड येथील रहिवासी भालेकर कुटुंब रिक्षाने माळशेज घाटातून प्रवास करत होते. याचवेळी घाटातील गणपती मंदिरालगत असणारी दरड रिक्षावर कोसळली. यात रिक्षाचाक राहुल भालेकर (वय – 30) आणि त्याचा पुतण्या स्वयंम भालेकर (वय – 7) यांचा जागीच मृत्यू झाला, तर रिक्षातील अन्य तिघे जखमी झाले. त्यांना उपचारासाठी शासकिय रुग्णालयात दाखल करण्यात आले आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.