जामखेडजवळ एसटी बस चारचाकीचा अपघात; दोघांचा मृत्यू, तीन गंभीर जखमी

जामखेड खर्डा रोडवरील पाच कि.मी.अंतरावरील बटेवाडी शिवारात पेट्रोलपंपाजवळ देवदर्शनाहून परतणाऱ्या तरुणांच्या चारचाकी वाहनाची आणि एसटीबसची धडक झाली. या भीषण अपघातात दोघांचा मृत्यू झाला असून तीन जण गंभीर जखमी झाले आहेत. अक्कलकोट, तुळजापूर येथून देवदर्शन करुन पततत आसताना जामखेडजवळ हा भीषण अपघात झाला आहे. आपघातील पाचहीजण नगर तालुक्यातील वडगाव गुप्ता या गावचे रहिवासी आहेत. विजय गंगाधर गव्हाणे (वय 24), पंकज सुरेश तांबे (वय 24) यांचा मृतांमध्ये समावेश आहे.

कोपरगाव डेपोची शिर्डी-हैदराबाद ही बस हैदराबादकडे जात होती. त्याचवेळी अक्कलकोट व तुळजापूर येथून देवदर्शन करुन पाच तरुण चारचाकीने नगर तालुक्यातील वडगाव गुप्ता या गावी जात होते. सोमवारी मध्यरात्री 12.30 वाजण्याच्या सुमारास या एसटी बस व चारचाकी वहानाची जामखेड खर्डा रोडवरील पेट्रोलपंपाजवळ धडक झाली. यानंतर आपघातील पाच जखमींना तातडीने जामखेड येथील खासगी रुग्णालयात दाखल करण्यात आले होते. मात्र त्यांची प्रकृती चिंताजनक असल्याने त्यांना तातडीने पुढील उपचारासाठी नगर येथे हलवण्यात आले होते. मात्र रस्त्यातच विजय गंगाधर गव्हाणे व पंकज सुरेश तांबे या दोघांचा मृत्यू झाला. तर मयुर संतोष कोळी (वय 18), सचिन दिलिप गीते (वय 30) व अमोल बबन डोंगरे (वय 28, तिघे रा.राहणार वडगाव गुप्ता, ता. नगर) हे तीन जण गंभीर जखमी झाले आहेत. त्यांच्यावर खाजगी रुग्णालयात उपचार सुरू आहेत.

घटनेची माहिती मिळताच जामखेड पोलीस ठाण्याचे सपोनि गौतम तायडे, पो कॉ. देविदास पळसे, हनुमंत अडसुळ, दिगंबर भोरे यांनी घटनास्थळी धाव घेत जखमींना रुग्णालयात नेण्यात मदत केली. या अपघातात एकाच गावातील दोघांचा मृत्यू झाला असल्याने वडगाव गुप्ता गावावर शोककळा पसरली आहे. या घटनेनंतर बसचालक सचिन विष्णू राऊत यांना पोलिसांनी ताब्यात घेतले आहे. घटनास्थळी उपविभागीय पोलीस अधिकारी कर्जत विभाग विवेकानंद वाखारे, जामखेड पोलीस निरीक्षक महेश पाटील यांनी भेट दिली आहे. याबाबत सध्या जामखेड पोलीस ठाण्यात अकस्मात मृत्यूची नोंद करण्यात आली आहे.