भंडाऱ्यात धावत्या रेल्वेगाडीखाली तरुणाची आत्महत्या, कारण अस्पष्ट

भंडाऱ्यात तुमसर-तिरोडी रेल्वे मार्गावर धावत्या रेल्वेगाडीखाली येऊन तरुणाने आत्महत्या केली. रविवारी सकाळच्या सुमारास ही घटना उघडकीस आली. त्यामुळे भंडारा जिल्ह्यातील तुमसर येथील हसारा टोली परिसरात एकच खळबळ माजली.

मिळालेल्या माहितीनुसार, दीपक भोंडेकर असे मृत तरुणाचे नाव असून तो हसारा टोली या गावात राहणारा होता. दीपक सकाळी कुणालाही न सांगता घरून बाहेर पडला होता. त्याने तुमसर-तिरोडी रेल्वे मार्गावरील धावत्या रेल्वेगाडीखाली स्वतःला झोकून दिले. यात त्याच्या शरीराचे दोन तुकडे झाले. यामुळे त्याचा घटनास्थळीच मृत्यू झाला. सदर घटनेची नोंद तुमसर रेल्वे पोलिसांनी घेतली असून तुमसर पोलीस तपास करीत आहेत. आत्महत्येचे कारण अद्याप कळू शकले नाही.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.