भाऊ-बहीण एकाच वेळी बनले डेप्युटी कलेक्टर

उज्जैनमधील भाऊ-बहिणीने एकाच वेळी मध्य प्रदेश लोकसेवा आयोगाची राज्य सेवा परीक्षा 2021 उत्तीर्ण होऊन डेप्युटी कलेक्टर बनण्याचा मान मिळविला आहे. दोघे भाऊ-बहीण एकाच वेळी डेप्युटी कलेक्टर बनल्याने त्यांच्या कुटुंबियांचा आनंद गगनात मावेनासा झाला आहे. आयोगाने नुकताच राज्य सेवा परीक्षेचा निकाल जाहीर केला. यात उज्जैन येथील अर्जुन सिंह ठाकूर आणि राजनंदनी सिंह ठाकूर उत्तीर्ण झाले आहेत. अर्जुनसिंह 21 व्या तर राजनंदनी यांना 14 वी रँक मिळाली आहे. या दोघांनी भोपाळ येथून इंजिनीयरिंगची पदवी मिळविली असून त्यांचे वडील डॉ. वाय.एस. ठाकूर इंजिनीयरिंगचे प्राध्यापक आहेत. राजनंदनी यांची 2020 मध्ये नायब तहसीलदार पदी वर्णी लागली होती. तर अर्जुन सिंह यांना टीसीएसमध्ये नोकरी मिळाली होती.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.