झी मराठी वाहिनीवरील 'शिवा' या मालिकेत सध्या 'लग्नसराई विशेष' भाग सुरू आहे. दिव्याशी जन्मोजन्माच्या नात्यात स्वतःला बांधून घेण्यासाठी आशु बाशिंग बांधून मांडवात तयार आहे.
दुसरीकडे शिवा तिच्या मित्राच्या आणि बहिणीच्या लग्नात फक्त एक सावली बनून भाग घेत आहे. एक अशी सावली जी आशुचं लग्नकार्य निर्विघ्न पार पडेल यासाठी पूर्ण तयारी करत आहे. पण नशिबाशी आजपर्यंत कोणीही लढू शकलं नाही.
लग्नाचा मांडव सजला आहे, नवरदेव मांडवात नवरीची वाट पाहत आहे, पण नवरी मांडवातून गायब आहे. ऐनवेळी दिव्या चंदनसोबत पळून जाण्याचा निर्णय घेते.
हे सत्य जेव्हा सर्वांसमोर येईल तेव्हा काय होईल? बिथरलेल्या आशुची लग्नगाठ शिवासोबत बांधली जाणार आहे. शिवाला तिचं पहिलं प्रेम मिळणार असलं तरी हा प्रवास खडतर असणार हे नक्की.
आशु आणि शिवा हे लग्नाच्या बेडीत बांधले गेले तरी हे मनाविरुद्ध जोडलेलं नातं दोघं कसं टिकवणार हे पाहणं महत्त्वाचं ठरणार आहे. 'शिवा' ही मालिका दररोज रात्री 9 वाजता झी मराठी वाहिनीवर प्रेक्षकांच्या भेटीला येते.
About The Author
.jpeg)
Comment List