Lok sabha election result 2024 : सर्वाधिक मताधिक्याने विजयी होणाऱ्या उमेदवारांची यादी, INDIA की NDA कुणी मारली बाजी?

लोकसभा निवडणुकीचा निकाल 4 जून रोजी लागला. 400 पारचा नारा देणाऱ्या भाजपला 300 पार करतानाही नाकीनऊ आले. NDA ची गाडी 292 वर अडकली, तर INDIA आघाडीने 232 जागांवर विजय मिळवला. या निवडणुकीत अनेक दिग्गजांना पराभवाचा सामना करावा लागला, तर काही काठावर पास झाले. काहींनी मात्र विक्रमी मतांनी विजय मिळवला.

भाजप आणि काँग्रेसच्या अनेक उमदेवार लाखोंचे मताधिक्य घेऊन विजयी झाले. यंदाच्या निवडणुकीत सर्वात मोठा विजय भाजपचे खासदार शंकर लालवानी यांनी नोंदवला. इंदूर लोकसभा मतदरसंघात त्यांनी 11 लाख 72 हजार मतांनी विजयश्री खेचून आणली.

आसामच्या धुबरी येथून काँग्रेसचे रकिबुल हुसैन 10 लाख 12 हजार मताच्या फरकाने विजयी झाले. तिसऱ्या स्थानावर मध्य प्रदेशचे माजी मुख्यमंत्री शिवराज सिंह चौहान असून त्यांनी 8 लाख 21 हजार मतांनी विजय मिळवला.

गुजरातच्या नवसारी येथून भाजपचे सीआर पाटील 7 लाख 73 हजार मतांनी विजयी झाले. सर्वाधिक मताधिक्य घेणाऱ्या उमेदवारात ते चौथ्या स्थानावर राहिले. तर केंद्रीय गृहमंत्री अमित शहा यांनी गांधीनगर मतदासंघातून 7 लाख 44 हजार एवढ्या मतांच्या फरकाने विजय मिळवला.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.