Video : अभिनेत्री रविना टंडनच्या कारने वृद्ध महिलेला उडवले; लोकांनी घेरले, नशेच्या धुंदीत मारहाण केल्याचा आरोप

मुंबईतील वांद्रे भागात शनिवारी रात्री बॉलिवूड अभिनेत्री रविना टंडन हिच्या कारने वृद्ध महिलेला उडवले. चालकाने बेदरकारपणे वाहन चालवल्याने हा प्रकार घडला. याचा व्हिडिओ सोशल मीडियावर व्हायरल झाला आहे. यात अपघातानंतर रविना टंडन हिला स्थानिक लोकांनी घेरल्याचे दिसतेय. यावेळी रविना ‘कृपया मला मारू नका’, अशी विनवणी करतानाही दिसतेय.

प्राथमिक माहितीनुसार, रविना टंडन हिच्या चालकाने बेदरकारपणे वाहन चालवत रिझवी कॉलेज जवळील क्वार्टर रोडवर तिघांना उडवले. यात एका वृद्ध महिलेचाही समावेश आहे. अपघातानंतर स्थानिकांनी तिला जाब विचारला. यामुळे संतापलेली रविना नशेच्या धुंदीत कारमधून उतरली आणि पीडितांना शिवीगाळ, मारहाण करते, असा आरोप करण्यात आला आहे.

Allegations of Assault by #RaveenaTandon & her driver on elderly Woman Incident near Rizvi law college, family Claims that @TandonRaveena was under influence of Alcohol, women have got head injuries, Family is at Khar Police station @MumbaiPolice @CPMumbaiPolice @mieknathshinde pic.twitter.com/eZ0YQxvW3g

— Mohsin shaikh (@mohsinofficail) June 1, 2024

व्हिडीओत काय दिसतेय?

व्हायरल व्हिडीओत पीडित आई स्थानिक लोक रविना टंडन हिला घेरल्याचे आई पोलिसांना बोलावत असल्याचे दिसते. यात एक पीडित व्यक्ती रविनाला म्हणतो की, तुला रात्र तुरुंगात घालवावी लागेल, माझे नाक रक्तबंबाळ झाले आहे. तर दुसरीकडे रविना लोकांना व्हिडिओ रेकॉर्ड न करण्याची विनवणी करते. तसेच स्थानिक लोक अंगावर धावून येताच, कृपया मला धक्क देऊ नका. मारहाण करू नका, असे म्हणताना दिसतेय.

पीडित व्यक्तीचा आरोप

या प्रकरणी मोहम्मद नावाचा व्यक्ती पोलिसात तक्रार दाखल करण्याचा प्रयत्न करतो, मात्र पोलीस आपल्याला जुमानत नसल्याचा आरोप त्याने केला. त्याने दिलेल्या माहितीनुसार, त्याची 70 वर्षांची आई, बहीण आणि भाची रस्त्याने जात असताना रविना टंडन हिच्या कारची त्यांना धडक बसते. याचा जाब विचारला तर चालक अरेरावी करू लागला. तसेच रविनाही कारमधून उतरून शिवीगाळ आणि मारहाण करते.

पोलीस कारवाई करणार?

दरम्यान, या प्रकरणावर रविना टंडन किंवा तिच्या प्रतिनिधीने अद्याप कोणतीही प्रतिक्रिया दिलेली नाही. पोलीस तपास करत असून त्यानंतर पुढील कारवाई केली जाईल.