Pune Porsche Accident – अल्पवयीन आरोपीची चौकशी होणार, बाल न्याय मंडळाने दिली परवानगी

पुण्यातील हिट अँड रन प्रकरणी आता पुणे पोलीस अल्पवयीन आरोपीची चौकशी करणार असल्याचे समोर आले आहे. पोलिसांनी बाल न्याय मंडळात या आरोपीची चौकशी करण्याची परवानगी मिळविण्यासाठी याचिका दाखल केली होती. पुणे पोलिसांची ही याचिका मंडळाने मान्य करत आरोपीच्या चौकशीची परवानगी दिली आहे.

शुक्रवारी या प्रकरणातील अल्पवयीन आरोपीचे वडील विशाल अग्रवाल आणि आजोबा सुरेंद्र अग्रवाल यांना न्यायालयाने 14 दिवसांची न्यायालयीन कोठडी सुनावली आहे.

बिल्डर विशाल अगरवाल यांचा अल्पवयीन मुलगा वेदांतने शनिवारी मध्यरात्री 3च्या सुमारास मित्रांसाबेत हॉटलेमध्ये मद्यपान पार्टी केल्यानंतर अलिशान पोर्शे कारने दुचाकीस्वाराला धडक दिली. त्यामुळे दुचाकीवर पाठीमागे बसलेल्या तरूणीचा 10 ते 15 फूट उंच उडून खाली पडल्यामुळे जागीच मृत्यू झाला. तर, कारने फरफटत नेल्यामुळे दुचाकीस्वार तरुणाचा मृत्यू झाला. याप्रकरणी घटनास्थळी उपस्थित असलेल्या नागरिकांनी अल्पवयीन आरोपीला मारहाण करीत जाब विचारला.

या प्रकरणी विशाल अग्रवाल, सुरेंद्र अग्रवाल, प्रल्हाद भुतडा, सचिन काटकर, संदीप सांगळे जयेश बोनकर यांना पोलिसांनी अटक केली आहे. सुरेंद्र अग्रवाल हे आरोपीचे आजोबा असून चालकाला डांबून ठेऊन खोटा जबाब नोंदविण्यासाठी दबाव टाकल्याचा आरोप त्यांच्यावर आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.