अभिनेता सनी देओलवर फसवणुकीचा आरोप; निर्मात्याकडून घेतले होते अडीच कोटी रुपये

‘गदर 2’च्या जबरदस्त यशानंतर अभिनेता सनी देओल पुन्हा एकदा निर्मात्यांच्या पसंतीस उतरला आहे. सध्या सनी त्याच्या अनेक चित्रपटांवर काम करत असून प्रेक्षक त्यांच्या चित्रपटाच्या रिलीजची आतुरतेने वाट पाहत आहेत. दरम्यान, पुन्हा एकदा सनी देओलचे नाव चर्चेत आले आहे. मात्र, यावेळी तो त्याच्या चित्रपटांमुळे नाही तर निर्मात्याची फसवणूक केल्यामुळे चर्चेत आहे.

अलीकडेच चित्रपट निर्माता सौरव गुप्ता यांनी सनी देओलवर फसवणूक आणि घोटाळा केल्याचा आरोप केला आहे. ‘अभिनेत्याने एका चित्रपटासाठी त्याच्याकडून कोट्यवधी रुपये घेतले. परंतु जेव्हा चित्रपट करण्याची वेळ आली तेव्हा त्याने काम केले नाही’, असा गंभीर आरोप निर्मात्याने केला आहे. गेल्या आठवड्यात सौरव गुप्ताने एक पत्रकार परिषदही घेतली होती. 2016 मध्ये त्याने एका चित्रपटासाठी सनी देओलसोबत करार केला होता. पण सनी आपल्या बोलण्यावर ठाम राहिला नाही, असा दावा सौरव गुप्ता याने त्यावेळी केला.

सनी देओलसोबत 2016 मध्ये करार केला होता. त्याला एका चित्रपटात काम करायचे 4 कोटी रुपये मानधन दिले जाणार होते. दिग्दर्शक गुप्ता यांनी समी देओलला चित्रपटासाठी एक कोटी रुपये आगाऊ दिले होते. पण सनीने त्याच्या चित्रपटापूर्वी पोस्टर बॉईज हा चित्रपट करण्याचा निर्णय घेतला. मात्र त्यानंतर सनी गुप्ता त्याच्याकडे पैसे मागत राहिला. आतापर्यंत आपण अभिनेत्याला 2.55 कोटी रुपये दिले आहेत, असे दिग्दर्शक सौरव गुप्ता यांनी सांगितले. सौरभ गुप्ता यांनी केलेल्या आरोपांवर सिनेनिर्माता सुनील दर्शन यांनी देखील सहमती दर्शवली आहे.