Jammu Accident : बस 150 फूट दरीत कोसळून भीषण अपघात, 21 जणांचा मृत्यू

जम्मूमध्ये भीषण अपघात झाल्याची घटना घडली आहे. चालकाचे नियंत्रण सुटून यात्रेकरूंनी भरलेली बस रस्त्याच्या कडेवरुन घसरली आणि 150 फूट खोल दरीत कोसळली. या अपघातात 21 यात्रेकरूंचा मृत्यू झाला आहे. ही बस उत्तर प्रदेशमधील हाथरस येथून जम्मू-काश्मीरच्या रियासी जिल्ह्यातील शिव खोरीकडे जात होती. चोकी चोरा परिसरातील टांगली वळणावर हा अपघात झाला.

पीटीआय वृतसंस्थेनुसार, हा भीषण अपघात राजौरी जिल्ह्यात घडला आहे. अधिकाऱ्यांना सांगितले की, पोलीस आणि स्थानिक लोकांच्या मदतीने रेस्क्यू ऑपरेशन सुरु केला आहे. जखमींना अखनूर रुग्णालय आणि जम्मूच्या सरकारी मेडीकल कॉलेज रुग्णालयात भरती करण्यात आले आहे.

#WATCH जम्मू-कश्मीर: परिवहन आयुक्त राजिंदर सिंह तारा ने कहा, “बस शिव खोड़ी की ओर जा रही थी। यहां कट बहुत सामान्य है, यहां कोई दिक्कत नहीं होनी चाहिए थी लेकिन शायद ड्राइवर को नींद आ गई थी…बस मुड़ने के बजाय सीधे चली गई और फिर नीचे गिर गई…इस दुर्घटना में करीब 15 लोग की मृत्यु… https://t.co/gQgy5ZA61w pic.twitter.com/hlGQ1EGuBx

— ANI_HindiNews (@AHindinews) May 30, 2024

अपघातानंतर घटनास्थळी एकच गोंधळ उडाला. लोकं ओरडू लागले. घटनेची माहिती पोलिसांना देण्यात आली. माहिती मिळताच एनडीआरएफ आणि एसडीआरएफचे पथकही घटनास्थळी पोहोचले. पोलीस, नागरिक आणि एसडीआरएफ, एनडीआरएफने तातडीने बचावकार्य सुरू केले. जखमींना अखनूर येथील स्थानिक रुग्णालयात आणि जम्मूच्या शासकीय वैद्यकीय महाविद्यालयात दाखल करण्यात आले आहे.