घाटकोपर होर्डिंग दुर्घटना प्रकरणी सलग दुसऱया दिवशी रेल्वेचे सहाय्यक आयुक्त शहाजी निकम यांची चौकशी केली गेली. गेल्या दोन दिवसांत पोलिसांनी आतापर्यंत 16 तास निकम याची चौकशी केली आहे.
घाटकोपर होर्डिंग दुर्घटना प्रकरणी तपासासाठी गुन्हे शाखेने एसआयटी स्थापन केली आहे. या एसआयटीने चौकशीसाठी रेल्वेचे सहायक आयुक्त शहाजी निकम यांना समन्स केले होते. मंगळवारी काही तास चौकशी केली. त्यानंतर आज निकम हे चौकशीसाठी हजर झाले. दुर्घटनाग्रस्त होर्डिंगच्या माध्यमातून मिळणारे पैसे हे रेल्वे पोलिसांच्या खात्यात जमा होत होते. पहिल्या तीन होर्डिंगच्या तुलनेत दुर्घटनाग्रस्त होर्डिंगमधून रेल्वे पोलिसांना जास्त पैसे मिळाल्याचे सूत्रांनी सांगितले. एका तत्कालीन आयुक्तांच्या सांगण्यावरून होर्डिंगला परवानगी दिली होती.
भिंडेच्या पोलीस कोठडीत पुन्हा वाढ
घाटकोपर हार्ंडग दुर्घटनेप्रकरणी अटकेत असलेल्या भावेश भिंडेच्या पोलीस कोठडीत पुन्हा वाढ झाली. दंडाधिकारी न्यायालयाने त्याला 30 मेपर्यंत पोलीस कोठडीत ठेवण्याचे आदेश दिले. तपासात आणखी पुरावे हाती लागले असून त्यादृष्टीने चौकशी करण्यासाठी भिंडेच्या कोठडीत वाढ देण्याची विनंती पोलिसांनी केली. ही विनंती न्यायालयाने मान्य केली.
.jpeg)
Comment List