पोलीस ऍकॅडमीतील द्वारका डोके यांची एव्हरेस्टवर चढाई; शिखरावर फडकावला तिरंगा, महाराष्ट्र पोलिसांचा ध्वज

जणू त्यांना हिम शिखरेच साद घालत होती, त्यामुळेच जिद्दीने या स्वप्नपूर्तीसाठी तयारी केली आणि वयाच्या 49व्या वर्षी 22 मे रोजी एव्हरेस्टचे शिखर गाठले. राष्ट्रध्वज आणि महाराष्ट्र पोलीस दलाचा ध्वज फडकावला. त्यावेळी हातात होता दिवंगत आई-वडिलांचा पह्टो. ही गौरवास्पद कामगिरी केली नाशिकच्या महाराष्ट्र पोलीस अॅकॅडमीतील सहाय्यक संचालिका द्वारका डोके यांनी. एव्हरेस्ट सर करणाऱया त्या महाराष्ट्र पोलीस दलातील एकमेव महिला ठरल्या आहेत.

नगर जिह्यातील राहुरी तालुक्यातील केसापूरच्या मूळ रहिवासी असलेल्या द्वारका विश्वनाथ डोके या श्रीरामपूर येथे वास्तव्यास आहेत. सन 2006 मध्ये पोलीस उपनिरीक्षक म्हणून त्या महाराष्ट्र पोलीस दलात रूजू झाल्या. सध्या नाशिकच्या पोलीस अॅकॅडमीत पोलीस निरीक्षक अर्थात सहाय्यक संचालिका म्हणून कार्यरत आहेत.  दरम्यान, श्रीरामपूरकरांनी स्वागत करून मिरवणूक काढल्याने आनंद द्विगुणित झाला.

असा झाला प्रवास

द्वारका डोके 24 मार्च रोजी काठमांडूत दाखल झाल्या. लकपा शेरपा यांच्या मार्गदर्शनाखाली आणि पासंग शेरपा यांच्यासोबत बेस पॅम्पवर चढण्यास 17 मे रोजी सुरुवात केली. खडतर अशी ही चढाई करून 22 तारखेला पहाटे 4 वाजून 10 मिनिटांनी त्यांनी शिखर गाठले. तेथे राष्ट्रध्वज व महाराष्ट्र पोलिसांचा ध्वज फडकावला. राष्ट्रगीताचे गायन केले. आई-वडिलांचा पह्टो हातात घेवून श्रद्धांजली वाहिली.