मध्य रेल्वेवर जम्बोब्लॉक; 72 एक्प्रेस आणि 956 लोकल फेऱया रद्द

मध्य रेल्वेवर शुक्रवारी मध्यरात्री 12 वाजल्यापासून ते रविवार, 2 जूनला दुपारी तीन वाजेपर्यंत जम्बो मेगाब्लॉक घेण्यात येणार आहे. सीएसएमटीत 36 तासांचा आणि ठाण्यात 63 तास ब्लॉक आहे. ब्लॉक कालावधीत एकूण 956 लोकल फेऱया तसेच 72 मेल-एक्प्रेस रद्द करण्यात येणार आहे. त्यामुळे विकेण्डला फिरण्यासाठी बाहेर पडणाऱयांचे हाल होणार आहेत.

सीएसएमटी स्थानकातील 10 व 11 नंबरच्या प्लॅटफॉर्मची लांबी वाढवण्यासाठी व ठाणे स्थानकावरील 5 व 6 नंबरच्या प्लॅटफॉर्मची रुंदी वाढवण्यासाठी हा मेगाब्लॉक घेण्यात येणार आहे. ठाणे स्थानकात गुरुवारी मध्यरात्रीपासून सुरू होणारा हा मेगाब्लॉक 2 जून दुपारपर्यंत सुरू राहणार आहे. शुक्रवार, 31 मे रोजी लांब पल्ल्याच्या 4 गाडय़ा व 187 लोकल रद्द करण्यात येणार आहेत. शनिवारी लांब पल्ल्याच्या 37 गाडय़ा व 534 लोकल तसेच रविवारी लांब पल्ल्याच्या 31 गाडय़ा व 235 लोकल रद्द करण्यात येणार आहेत.

कर्मचाऱयांना वर्क फ्रॉम होम द्या 

मध्य रेल्वेने सर्व सरकारी व खासगी कंपन्यांना ब्लॉकच्या काळात त्यांच्या कर्मचाऱयांना रजा किंवा वर्क फ्रॉम होम देण्याचे तसेच प्रवाशांनादेखील अतिशय गरजेच्या कारणाव्यतिरिक्त या मार्गावरून प्रवास करू नये, असे आवाहन करण्यात आले आहे.