गीरमध्येही पर्यटकांची असंवेदनशीलता; सिंहाला घेरले

ताडोबा-अंधारी व्याघ्र प्रकल्प व्यवस्थापनाप्रमाणेच सिंहांसाठी प्रसिद्ध असलेल्या गीर राष्ट्रीय उद्यानाच्या व्यवस्थापनानेही डोळय़ावर पट्टी बांधल्याचे उघड झाले आहे. मोदींच्या गुजरातमधील गीर अभयारण्यात आशियाई सिंह पाहण्यासाठी मोठय़ा संख्येने पर्यटक येतात. त्यामुळे सिंहांना पर्यटकांपासून कुठल्याही प्रकारचा त्रास होऊ नये यासाठी मोबाईल कॅमेऱयात सिंहांचे चित्रीकरण करण्यास, व्हिडीओ काढण्यास मनाई आहे. जिप्सीचा स्पीडही ताशी 20 किलोमीटरहून अधिक असता कामा नये; परंतु गीर राष्ट्रीय उद्यानात नियमांचे सर्रास उल्लंघन होत असून सिंहाला जिप्सीमधून फिरणाऱया पर्यटकांनी घेरल्याचा व्हिडीओ समोर आला आहे. या धक्कादायक प्रकारामुळे वन्यप्रेमींनी गीरच्या राष्ट्रीय उद्यानातील सिंहांच्या सुरक्षेवरून तीव्र चिंता व्यक्त केली असून सिंह आक्रमक झाला तर अनेकांच्या जिवाला धोका निर्माण होऊ शकतो, अशी भीतीही व्यक्त केली आहे.

काय आहेत गीरच्या जंगलातील नियम?

z गीरच्या राष्ट्रीय उद्यानातील सिंहांच्या जीवनशैलीत पर्यटक बाधा आणू नयेत यासाठी आठ वर्षांपूर्वीच म्हणजेच 2016 मध्येच कडक नियम बनवण्यात आले.

z गाईड, ट्रकर्स आणि सफारी चालक यांच्यासह केवळ आठ पर्यटकांनाच एकावेळी परवानगी देण्यात आली आहे. त्याचबरोबर कुणालाही मोबाईल पह्न घेऊन जाण्याची परवानगी नाही.

z दिवसाला केवळ 90 पर्यटकांनाच जंगलात सोडण्याची परवानगी असून जिप्सीचा वेगही ताशी 20 किलोमीटर इतकाच असायला हवा.