पुण्यापाठोपाठ फडणवीसांच्या नागपूरमध्येही हिट ऍण्ड रन; मॉर्निंग वॉकला निघालेल्या दोन महिलांना भरधाव कारने उडवले

पुण्यातील कल्याणीनगरमध्ये भरधाव पोर्शे कारने दुचाकीवरील तरुण आणि तरुणीला उडवल्याची घटना ताजी असतानाच आता उपमुख्यमंत्री देवेंद्र फडणवीस यांच्या नागपूरमध्येही हिट ऍण्ड रनची घटना घडल्याचे उघड झाले आहे. नागपूरच्या शारदा चौकाजवळ दोन महिला चालत होत्या. त्याचवेळी मागून आलेल्या पांढऱया रंगाच्या भरधाव कारने दोघींना जोराची धडक दिली. एक महिला दूर फेकली गेली. कहर म्हणजे त्याच महिलेला त्याच कारने पुन्हा चिरडले. या महिलांना तत्काळ रुग्णालयात दाखल करण्यात आले. ही घटना 7 मे रोजी घडली असून सर्व प्रकार सीसीटीव्ही कॅमेऱयात कैद झाला आहे.

घटनेला 15 हून अधिक दिवस उलटूनही पोलीस आरोपीला पकडू शकले नाहीत त्याबद्दल जखमी महिलांच्या कुटुंबीयांनी तीव्र संताप व्यक्त केला. पोलिसांना यासंदर्भात विचारले असता अद्याप तपास सुरू असल्याचे सांगितले जाते. तसेच गाडीचा नंबर स्पष्ट दिसत नाही. त्यामुळे तुम्ही जर नंबर नोट केला असेल तर तो नंबर आम्हाला द्या. आम्ही छडा लावतो, असे उलट उत्तर देण्यात येत असल्याचे जखमी महिलांच्या कुटुंबीयांनी सांगितले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.