गोवंडीत झाडांच्या मुळावर उठले काँक्रिटीकरण, तातडीने काँक्रिटीकरण काढून टाकण्याचे पालिकेला आदेश

गोवंडी-शिवाजीनगर परिसरातील झाडांभोवती बेकायदेशीरपणे काँक्रिटीकरण केले आहे. त्यामुळे झाडे मरण्याच्या मार्गावर आहेत. याकडे लक्ष वेधणाऱया रिट याचिकेची उच्च न्यायालयाने बुधवारी गंभीर दखल घेतली. तसेच पालिका व वृक्ष प्राधिकरणाला झाडांची तातडीने तपासणी करून मुळांभोवती असलेले काँक्रिटीकरण हटवण्याचे आदेश दिले.

गोवंडी येथील इरफान अहमद खान यांनी दाखल केलेल्या याचिकेवर बुधवारी न्यायमूर्ती नितीन बोरकर आणि न्यायमूर्ती सोमशेखर सुंदरेसन यांच्या सुट्टीकालीन खंडपीठापुढे सुनावणी झाली. देवनार गावातील 11 झाडांच्या मुळाभोवती बेकायदा काँक्रिटीकरण केले आहे. तसेच इतर 27 झाडांभोवती इमारत बांधकाम साहित्याचा भराव टाकण्यात आला आहे. त्यामुळे संबंधित झाडे मरण्याच्या मार्गावर आहेत. याबाबत जबाबदार लोकांवर कारवाई करण्यासाठी पालिकेकडे वारंवार तक्रारी केल्या. मात्र पालिका व वृक्ष प्राधिकरणाच्या अधिकाऱयांनी कारवाईची ठोस पावले उचलली नाहीत. झाडांच्या अस्तित्वावर उठलेले बेकायदा काँक्रिटीकरण ‘जैसे थे’ आहे, असा दावा याचिकाकर्त्यातर्फे करण्यात आला. त्यावर पालिकेतर्फे ऍड. सागर पाटील यांनी बाजू मांडली.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.