चुकीची किडनी काढल्यानंतर महिलेची प्रकृती गंभीर, डॉक्टरांनी आरोप फेटाळले

राजस्थानमधील झुंझुनू येथील एका महिलेची प्रकृती गंभीर असल्याचं सांगण्यात येत आहे, कारण तिला एका खासगी रुग्णालयात किडनी स्टोनच्या उपचारासाठी दाखल करण्यात आलं होतं, तिने आरोप केला आहे की खराब झालेल्या किडनीऐवजी तिचे निरोगी मूत्रपिंड काढून टाकण्यात आलं. मात्र, डॉक्टरांनी हे आरोप फेटाळले असून, त्यांनी शस्त्रक्रिया अगदी योग्य पद्धतीनं झाल्याचं म्हटलं आहे.

शस्त्रक्रिया करणारे डॉ. संजय धनखर यांच्या मालकीच्या धनखर रुग्णालयात ही घटना घडली.

नुआ गावातील ईद बानो म्हणून ओळखल्या जाणाऱ्या 30 वर्षीय महिलेला किडनी स्टोनचा त्रास होता, त्यामुळे तिनं ते काढण्यासाठी रुग्णालयात दाखल होण्याचा निर्णय घेतला. काही चाचण्यांनंतर, डॉ. धनखर यांनी बानोला कळवले की तिची उजवी किडनी आतमधील स्टोनमुळे निकामी झाली आहे आणि ती तातडीने काढण्याची गरज आहे.

बानोच्या कुटुंबीयांनी डॉक्टरांच्या निरीक्षणास सहमती दर्शवली आणि 15 मे रोजी शस्त्रक्रिया करण्यात आली. डॉ. धनखर यांनी खराब झालेल्या डाव्या मूत्रपिंडाऐवजी तिची निरोगी उजवी मूत्रपिंड काढून टाकल्याचा आरोप आहे.

दोन दिवसांनंतर, तिची प्रकृती बिघडली, आणि तिला पुन्हा रुग्णालयात आणण्यात आले, जिथे डॉ. धनखर यांनी तिला जयपूर येथे उपचारासाठी संदर्भित केले. बानोच्या कुटुंबीयांना 15 मे रोजी झालेल्या तिच्या ऑपरेशनबद्दल कोणालाही सांगू नका, असंही त्यानं सांगितलं.

जेव्हा तिला जयपूरच्या सवाई मानसिंग हॉस्पिटलमध्ये दाखल करण्यात आले तेव्हा कुटुंबाला डॉ धनखरच्या चुकीची माहिती मिळाली. जयपूरमधील डॉक्टरांकडे तिला घरी पाठवण्याशिवाय पर्याय नव्हता.

वैद्यकीय निष्काळजीपणाचे प्रकरण उघडकीस आल्यानंतर धनखर यांनी कुटुंबीयांच्या घरी जाऊन बानोच्या उपचारासाठी पैसे देण्याची तयारी दर्शवली. मात्र कुटुंबीयांनी त्याचा प्रस्ताव नाकारला आणि पोलिसात तक्रार दाखल केली.

बानोचे पती शब्बीर यांनी सांगितले की, गुन्हा दाखल करण्यात आला असून धनखरवर कठोर कारवाई करण्याची मागणी केली आहे.

दरम्यान, डॉक्टरांनी आरोप नाकारले आणि सांगितले की, तिची उजवी किडनी खराब झाली होती, त्यामुळे ती काढण्यासाठी त्याने शस्त्रक्रिया केली. त्यांचे निरीक्षण चुकीचे असल्याचे त्यांनी नाकारले आहे.

या घटनेच्या पार्श्वभूमीवर मुख्य वैद्यकीय आरोग्य अधिकारी राजकुमार डांगी यांनी या घटनेची चौकशी करण्यासाठी डॉक्टरांचे पाच सदस्यीय पथक तयार केले आहे. रुग्णालयाचे रेकॉर्डही जप्त करण्यात आल्याचे त्यांनी सांगितले.

माहितीनुसार, डॉ धनखर झुंझुनू येथील बीडीके सरकारी रुग्णालयात सर्जन म्हणून काम करत होते. परंतु रुग्णाच्या मृत्यूनंतर, त्याला प्रतीक्षा पोस्टिंग ऑर्डर (एपीओ) अंतर्गत ठेवण्यात आले आणि 2017 मध्ये निलंबित करण्यात आले.