झोपडपट्टी परिसरातील धोकादायक झाडांची छाटणी नि:शुल्क करा! शिवसेनेची मुंबई महापालिका आयुक्तांकडे मागणी

पावसाळ्याच्या पार्श्वभूमीवर झोपडपट्टीतील धोकादायक, सुकलेल्या झाडांची छाटणी किंवा तोडण्याचे काम निःशुल्क करावे आणि झोपडीवासीयांना दिलासा द्यावा, अशी मागणी शिवसेना नेते-आमदार सुनील प्रभू यांनी मुंबई पालिका आयुक्त भूषण गगराणी यांच्याकडे केली आहे.

पावसाळा सुरू होण्याआधी पालिका रस्त्यालगतची धोकादायक झाडे छाटण्याचे काम पंत्राटदारांकडून करवून घेते. रहिवासी सोसायटी, खासगी इमारत आणि झोपडपट्टय़ांमधील धोकादायक आणि सुकलेल्या झाडांची छाटणी आणि तोडकामासाठी रहिवाशांना परवानगी देते. त्यानंतर मंजूर निविदेतील दर आणि 20 टक्के प्रशासकीय शुल्क आकारून झाडे छाटली जातात.

…तर दुर्घटना टळतील
पालिका पूर्वी झोपडपट्टय़ांलगतची धोकादायक झाडांची छाटणी निःशुल्क करत होती, मात्र आता त्यासाठी पैसे आकारले जातात. गेल्या काही वर्षांत मुंबईत अतिवृष्टीमुळे झाडे उन्मळून पडल्यामुळे कित्येक मुंबईकरांनी जीव गमावला. भविष्यात अशा दुर्घटना टाळल्या जाऊ शकतात. त्यासाठी झोपडपट्टीतील आणि नजीकच्या धोकादायक, सुकलेल्या झाडांची छाटणी आणि तोडणी पालिकेने मोफत करावी. याबाबत वृक्ष प्राधिकरणाला परिपत्रक काढून आदेश द्यावा, अशी मागणी सुनील प्रभू यांनी केली.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.