बिहारचे माजी मुख्यमंत्री आणि राष्ट्रीय जनता दलाचे अध्यक्ष लालू प्रसाद यादव यांनी पंतप्रधान नरेंद्र मोदी यांच्याबाबत मोठं विधान केलं आहे. मी जन्म घेतलेला नाही. मी तर अवतार आहे. मला विशेष कार्यासाठी देवाने पाठवले आहे, असे वक्तव्य पंतप्रधान मोदी यांनी केले होते. त्यांच्या या वक्तव्याचा लालूप्रसाद यादव यांनी समाचार घेतला आहे. मोदी तुम्हाला निकालानंतर सर्व काही कळेल. आता समजून जा मोदी गेले. 4 जून नंतर महाविकासआघाडीचे सरकार स्थापन होणार, असा दावाही केला आहे.
मिसा भारतीच्या प्रचारासाठी लालू यादव मंगळवारी फुलवारीशरीफ येथे आले आहेत. मिसा पाटणाच्या पाटलीपुत्र लोकसभा मतदारसंघातून निवडणूक लढवत आहेत. यावेळी लालू प्रसाद यादव माध्यमांशी संवाद साधला. 4 जून रोजी देशात इंडिया आघाडीचे सरकार बनेल. नरेंद्र मोदी यांना त्यादिवशी कळेल. मोदी स्वत:ला अवतार म्हणतात, ते म्हणतात मी जन्म घेतलेला नाही, असा टोलाही लालू प्रसाद यादव यांनी लगावला.
महाविकास आघाडीचे सरकार बनेल. नरेंद्र मोदींचा सफाया निश्चित आहे. संविधान वाचवा, देश वाचवा, असे ही लालू प्रसाद यादव म्हणाले. 1 जून रोजी सातव्या टप्प्यातील मतदान आहे. आजारी असल्यामुळे लालू यादव निवडणुकीत शारीरिकदृष्ट्या फारसे सक्रिय दिसत नव्हते, मात्र आज ते स्वतः मैदानात उतरले आहेत.
.jpeg)
.jpeg)
Comment List