दखल – स्वप्रेरणेचे व्यवस्थापन

सतत धावपळ… 24 तास काम केलं तरी काही ना काही तरी राहूनच जातं. घर अस्ताव्यस्त म्हणून जास्त चिडचिड, नोकरी करताना कार्यालयात पोहोचण्यास उशीर म्हणून होणारी मनासिक घुसमट, असं सगळ्यांची मर्जी सांभाळत आयुष्य जगताना स्वत:ला वेळ देणं जमलंच नाही कधी ही हुरहूर मनाला लागून राहते. आयुष्याची समीकरणं कितीही बदलत असली तरी आपली पाठराखण करणारी आणि प्रत्येक वेळी नव्याने कळत जाणारी असतात. आपण इतरांना बदलू शकत नाही, मात्र स्वत:ला बदलणं आपल्याच हातात असतं. मग आपणच आपल्या दैनंदिन जीवनाचं आणि आपल्या कामाचं व्यवस्थापन करून आपला विकास घडवून आणावा. त्यासाठी आवश्यक आहे वेळेचे नियोजन. प्रस्तुत पुस्तक केवळ टाइम मॅनेजमेंट शिकवत नाही, तर एकूणच आयुष्याचं व्यवस्थापन शिकवते. वेळ आणि आयुष्य यांचं डोळसपणे व्यवस्थापन करता येणं आवश्यक आहे. त्यासाठी घडय़ाळाचे कुसंस्कार कसे पुसावेत? स्पष्टतेचे सामर्थ्य म्हणजे काय? वेळेचे गणित सोडवण्याची तंत्र आणि मंत्र कोणती? स्त्राr व पुरुषाचे व्यवस्थापन वेगळे कसे? हे या पुस्तकात शिकाल. एकदा नियम आणि पद्धत समजली की काय करू? कसं करू? हे द्वंद संपतं. लहान लहान यशाने स्वत:च स्वत:ला प्रेरित करण्याची कला शिकून घेतली की ती आयुष्यभर उपयोगी पडते. संदर्भ बदलले तरी सूत्रं तीच राहतात आणि त्यासाठी अनुभवसिद्ध सुप्रसिद्ध प्रशिक्षक कांचन दीक्षित यांचे संदर्भग्रंथ वाचकांना सर्वतोपरी मदत करेल.

टाइम अॅण्ड सेल्फ मॅनेजमेंट
लेखिका : कांचन दीक्षित
पृष्ठ संख्या : 266
किंमत : 350/-
प्रकाशक : साकेत प्रकाशन