जुन्या वादातून तरुणावर प्राणघातक हल्ला; दोघांना अटक

एप्रिलमध्ये झालेल्या भांडणाचा राग मनात धरून दोघांनी एकावर प्राणघातक हल्ला केल्याची घटना गुरुवारी रात्री अॅण्टॉप हिल येथे घडली. याप्रकरणी दोन्ही आरोपींना अटक झाली असून त्यांना 29 मेपर्यंत पोलीस कोठडी ठोठावण्यात आली आहे.

विजयकुमार देवेंद्र याचा गेल्या महिन्यात मुरगन देवेंद्र याच्याशी वाद झाला होता. तो राग डोक्यात ठेवून गुरुवारी रात्री 10.30 च्या सुमारास मुरगन आणि वेलू देवेंद्र यांनी मक्कावाडी जंक्शन येथे दुचाकीवरून आलेल्या विजयला अडवले. मग सोबत आणलेल्या चापूने विजयच्या पोटावर वार केले. दरम्यान हा प्रकार कळताच अॅण्टॉप हिल पोलिसांनी घटनास्थळी धाव घेतली. विजयला तत्काळ शीव इस्पितळात दाखल केले असून त्याच्यावर उपचार सुरू आहेत, तर पोलिसांनी याप्रकरणी हत्येचा प्रयत्न केल्याचा गुन्हा दाखल करून मुरगन आणि वेलू या दोघांना अटक करून त्यांना न्यायालयात हजर केले. दोघांनाही पोलीस कोठडी सुनावण्यात आली.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.