उजनीत बोट उलटून बुडालेले अद्यापि बेपत्ताच

उजनी धरणपात्रात बोट उलटून बेपत्ता झालेल्या सहाजणांचा अद्यापि शोध लागलेला नाही. मंगळवारी रात्री अंधार असल्याने शोधकार्य थांबले होते. आज सकाळीच ‘एनडीआरएफ’चे पथक घटनास्थळी दाखल झाले. त्यांनी शोधमोहीम हाती घेतली. मात्र, अद्यापि कोणाचाच शोध लागला नाही. दरम्यान, मंगळवारी (21 रोजी) बुडालेली बोट 35 फूट खोल पाण्याच्या तळाशी सापडली.

वादळी वाऱयाने मंगळवारी एक प्रवासी बोट उलटली. बोटीतील गोकुळ दत्तात्रय जाधव (वय 30), कोमल गोकुळ जाधव (25), शुभम गोकुळ जाधव (वय दीड वर्ष), माही गोकुळ जाधव (वय 3, सर्व रा. झरे, ता. करमाळा, जि. सोलापूर), गौरव डोंगरे (वय 16) आणि बोटचालक अनुराग अवघडे असे सहाजण बेपत्ता झाले आहेत, तर सोलापूर येथील सहायक पोलीस निरीक्षक राहुल डोंगरे पोहत काठावर आल्याने बचावले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.