लैला खान हत्याकांड; शिक्षेचा उद्या फैसला

बॉलीवूड अभिनेत्री लैला खान व तिच्या कुटुंबातील पाच जणांच्या हत्याकांड प्रकरणात दोषी परवेझ टाक याला सत्र न्यायालय शुक्रवारी शिक्षा सुनावणार आहे. हे ‘दुर्मिळातील दुर्मिळ’ प्रकरण आहे. त्यामुळे परवेझला फाशीची शिक्षा ठोठवावी, अशी मागणी सरकारी पक्षाने केली आहे.

लैला खान, तिची आई सेलिना व चार भावंडांची हत्या झाल्याचे फेब्रुवारी 2011 मध्ये उघडकीस आले होते. इगतपुरी येथील फार्म हाऊसच्या आवारात सहा जणांचे मृतदेह आढळले होते. याप्रकरणी सत्र न्यायालयाने गेल्या आठवडय़ात परवेझला दोषी ठरवले. तुरुंगात परवेझच्या वर्तणुकीत चांगला बदल झाला आहे. त्यामुळे त्याला फाशीऐवजी जन्मठेपेची शिक्षा द्या, अशी विनंती अॅड. वहाब खान यांनी केली.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.