पुण्यातील कार अपघात प्रकरणी आता मोठी माहिती समोर आली आहे. अल्पवयीन आरोपी वेदांत अगरवाल याची आज बुधवारी बाल हक्क न्यायालयात सुनावणी सुरु आहे. दरम्यान आता या प्रकरणात नवे वळण आले आहे. अंडरवर्ल्ड डॉन छोटा राजनचे नाम समोर आले आहे, या प्रकरणातील मुख्य आरोपी वेदांत अगरवाल (17)च्या कुटुंबियांचे छोटा राजनशी संबंध असल्याची धक्कादायक माहिती समोर आली आहे.
आरोपी वेदांतचे आजोबा सुरेंद्र अगरवाल यांचा त्यांचा भाऊ राजकुमार अगरवाल याच्याशी संपत्ती वाद सुरु होता. तो वाद मिटविण्यासाठी सुरेंद्र यांनी 2007 आणि 2008 साली बॅंकॉकमध्ये जाऊन छोटा राजन याची भेट घेतली होती. 18 मे रोजी पुण्यातील हिट अॅण्ड रन प्रकरणानंतर अल्पवयीन आरोपीला व्हीआयपी ट्रीटमेंट मिळाली, त्यानंतर अनेक घटना उघडकीस येऊ लागल्या. अग्रवाल कुटुंबाचे छोटा राजनशी असलेले संबंध उघडकीस आल्यावर या कुटुंबाचा प्रभाव केवळ पुणे पोलिसांपर्यंतच नाही तर अंडरवर्ल्डपर्यंतही होता हे स्पष्ट झाले.
पुण्यातील कल्याणीनगर परिसरात वेदांत अगरवाल याने शनिवारी मद्यपान करून बेदरकारपणे पोर्शे कार चालवून तरुणीसह दोघांना चिरडले होते. याप्रकरणी पोलिसांनी आरोपी मुलाचे वडील बांधकाम व्यावसायिक विशाल अगरवाल यांच्यावर गुन्हा दाखल केला आहे, मात्र गुन्हा दाखल होताच अगरवाल फरार झाले होते.मात्र पोलिसांनी तपास वेगाने करत संभाजीनगर येथून विशाल अगरवाल यांना अटक केली आहे. तसेच याप्रकरणी पब मालक आणि मॅनेजरलाही अटक केली आहे.
.jpeg)
Comment List