अंतराळाची पिकनिक! गोपी थोटाकुरा ठरले पहिले हिंदुस्थानी पर्यटक

मूळचे हिंदुस्थानी वैज्ञानिक असलेले गोपी थोटाकुरा यांनी इतिहास रचला आहे. अमेझॉनचे संस्थापक जेफ बेजोस यांच्या ब्लू ओरिजनच्या एनएस-25 मिशनच्या चालक दलात सहभागी होऊन अंतराळात पोहोचणारे पहिले इंडियन स्पेस टूरिस्ट आणि दुसरे हिंद्स्थानी बनले आहेत. ब्लू ओरिजनने रविवारी आपली 7 वी मानव अंतराळ उड्डाण आणि न्यू शेपर्ड कार्यक्रमासाठी 25 वी उड्डाण यशस्वीरित्या पूर्ण केली. चालक दलाच्या अन्य पाच सदस्यांमध्ये आंध्र प्रदेशात जन्मलेले गोपी थोटाकुरा यांचाही समावेश होता. गोपी थोटाकुरा यांच्याशिवाय, अंतराळ प्रवासी दलात मेसन अँजेल, सिल्वेन चिरोन, केनेथ एल. हेस, कॅरोल स्कॉलर आणि माजी वायू सेनेचे कप्तान एड. ड्वाइट यांचा समावेश होता. ड्वाइट यांनी 1961 साली अमेरिकेचे राष्ट्राध्यक्ष जॉन ए. कॅनेडी यांनी त्यांची निवड केली होती. परंतु, त्यांना प्रत्यक्षात संधी मिळाली नव्हती.

गोपी थोटाकुरा हे पर्यटक म्हणून अंतराळात जाणारे पहिले प्रवासी तर राकेश शर्मा यांच्यानंतर अंतराळात जाणारे दुसरे हिंदुस्थानी नागरिक ठरले आहेत. हिंदुस्थानी लष्कराचे विंग कमांडर राकेश शर्मा 1984 मध्ये अंतराळात जाणारे पहिले हिंदुस्थानी बनले होते. पर्यटक म्हणून अंतराळात जाणारा मी पहिला हिंदुस्थानी व्यक्ती ठरत आहे, हे ऐकून मला खूप अभिमान वाटत आहे. हिंदुस्थान पुन्हा एकदा अंतराळात आहे, असा आवाज ऐकायला मिळतोय.