घाटकोपर दुर्घटना आणखी एकाचा मृत्यू, मृतांचा आकडा 17 वर पोहोचला

घाटकोपर येथे होर्डिंग कोसळून झालेल्या दुर्घटनेतील मृतांचा आकडा 17 वर पोहोचला आहे. या दुर्घटनेत जखमी झालेले राजू सोनवणे (52) यांच्यावर केईएम रूग्णालयात उपचारादरम्यान मृत्यू झाला आहे.

मुंबईमध्ये 13 मे रोजी सायंकाळी वादळी वाऱ्यासह पावसाने धुमाकूळ घातला होता. यावेळी घाटकोपरच्या छेडानगर येथे महाकाय होर्डिंग रस्त्यावर आणि बाजुच्या पेट्रोल पंपावर कोसळले. या दुर्घटनेमध्ये सुरुवातीला 16 जणांचा मृत्यू झाल्याचे समोर आले होते. तर अनेक जखमींवर पालिकेच्या विविध रुग्णालयांत उपचार सुरू होते. त्यातील आणखी एकाचा 19 मे रोजी केईएम रुग्णालयात रात्री 11 वाजता मृत्यू झाला. दरम्यान, 120 बाय 120 फुटांपेक्षा जास्त आकाराचे होर्डिंग कोसळल्याने अनेक वाहनांचा चुराडा झाला होता.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.