भगवती रुग्णालयाचे काम निकृष्ट दर्जाचे! कंत्राटदाराला काळय़ा यादीत टाकण्याची माजी विरोधी पक्षनेत्यांची मागणी

बोरिवली पश्चिम येथील भगवती रुग्णालयाच्या नवीन विस्तारित इमारतीचे बांधकाम सुरू आहे, मात्र इमारतीचे काम निकृष्ट दर्जाचे असल्याची तक्रारी आल्या असून अतिरिक्त पालिकांनी पाहणी दौरा करावा आणि पंत्राटदाराला तत्काळ काळय़ा यादीत टाका, अशी मागणी मुंबई महापालिकेतील माजी विरोधी पक्षनेते रवी राजा यांनी पश्चिम उपनगराच्या अतिरिक्त आयुक्तांकडे केली.

पालिका रुग्णालयांत मागील काही वर्षांपासून रुग्णांचा वाढता ओघ पाहता उपनगरीय रुग्णालयांचा विस्तार करण्याचे काम महानगरपालिकेकडून करण्यात येत आहे. बोरिवली (पश्चिम) येथील हरिलाल भगवती (एनसीटी) महानगरपालिका सर्वसाधारण रुग्णालयाचा विस्तार करून त्या ठिकाणी मोठी इमारत बांधली जात आहे. यामुळे गरीब व गरजू रुग्णांना अधिक आरोग्य सेवांचा लाभ घेता येणार आहे.

रुग्णालयाच्या कामासाठी नेमण्यात आलेल्या मे. पॅपासिटे ई-गवर्नन्स जे.व्ही. या पंत्राटदाराने केलेल्या कामाबाबतीत अनेक तक्रारी प्राप्त झालेल्या आहेत. तरीही या पंत्राटदाराकडे दुर्लक्ष केले जात आहे. त्यामुळे पंत्राटदाराला पाठीशी कोण घालत आहे, असा सवाल उपस्थित करण्यात येत आहे.

भगवती रुग्णालयातील काम निकृष्ट असेल तर त्यामुळे भविष्यात दुर्घटना होण्याची शक्यता नाकारता येत नाही. त्यामुळे पत्राची वेळीच दखल घेऊन पाहणी दौरा करावा आणि पंत्राटदाराला काळय़ा यादीत टाकावे, अशा मागणी रवी राजा यांनी पत्राद्वारे केली आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.