राजधानी दिल्लीसह देशभरात भाजपला इंडिया आघाडीकडून जबरदस्त आव्हान मिळत आहे. दिल्लीचे मुख्यमंत्री अरविंद केजरीवाल यांनी तुरुंगातून बाहेर आल्यावर भाजप सरकारवर हल्लाबोल केला आहे. दिल्लीत भाजप आणि आपमधील संघर्ष वाढला आहे. नवी दिल्लीत अमित शहा यांची एक सभा होती. त्या सभेला 500 पेक्षा कमी लोक आले होते. त्यामुळे शहा यांचा पारा चढला आणि त्यांनी दिल्लीतील नागरिकांना दोष देण्यास सुरुवात केली. तसेच आपचे समर्थक पाकिस्तानी आहेत, असे वक्तव्यही त्यांनी केले. अमित शहा यांच्या या वक्तव्यावर केजरीवाल यांनी पलटवार केला असून राजधानी दिल्लीतील जनता पाकिस्तानी आहे का? असा सवाल करत केजरीवाल यांनी शहा यांच्यावर निशाणा साधला आहे.
केजरीवाल यांनी शहा यांनी प्रत्युत्तर देत म्हटले आहे की, दिल्लीतील जनतेने 56 टक्के मतदान करून आम्हाला 62 जागा दिल्या. पंजाबच्या जनतेने आम्हाला 117 पैकी 92 जागा दिल्या. आम्हाला प्रेम करणारी जनता पाकिस्तानी आहेत का? असा सवाल त्यांनी केला. नरेंद्र मोदी यांनी अमिश शहा यांना उत्तराधिकारी म्हणून कदाचित नेमले असेल. मात्र, येत्या 4 जूनला भाजपच्या सरकारची गच्छंती निश्चित आहे, असेही केजरीवाल म्हणाले. देशात आता इंडिया आघाडीचे सरकार येणार आहे, असा विश्वासही त्यांनी व्यक्त केला.
भाजपचे शत्रूत्व आपल्याशी आहे. ते आपल्यावर आरोप करतात, आपल्याला शिव्या देतात, ते आपण सहन केले. मात्र, भाजप किंवा त्यांच्या नेत्यांनी दिल्लीतील आणि देशातील जनतेला शिव्या दिल्या, तर आम्ही खपवून घेणार नाही, असा इशाराही केजरीवाल यांनी भाजपला दिला.
.jpeg)
.jpeg)
.jpeg)
Comment List