कपिल पाटील यांच्या पायाखालची वाळू सरकली; निवडणूक अधिकारी, पोलिसांना शिवीगाळ

भिवंडी शहरात ठिकठिकाणी उत्साहात मतदान सुरू होते. खंडूपाडा, बाला कंपाऊंड, मिल्लतनगर येथील मतदान केंद्रांवर भाजपचे उमेदवार कपिल पाटील गेले तेव्हा त्यांना मुस्लिम समाजाच्या मतदारांची गर्दी दिसली. ही गर्दी पाहून कपिल पाटील यांच्या पायाखालची वाळू सरकली आणि त्यांनी मतदान केंद्रांवर इतकी गर्दी कशाला? यांना हाकलून द्या असे सांगत निवडणूक अधिकारी आणि पोलिसांना चक्क शिवीगाळ केली. त्यामुळे या मतदान केंद्रांवर काही काळ तणावाचे वातावरण पसरले होते. त्यानंतर कपिल पाटील हे इदगाह येथील केंद्रावर गेले. तेथेही मतदारांची मोठ्या प्रमाणावर गर्दी लोटली होती. तेथेही कपिल पाटील यांनी दादागिरी करण्यास सुरुवात केली तेव्हा मतदारांच्या संतापाचा भडका उडाला आणि त्यांनी कपिल पाटील यांच्याविरोधात घोषणा देण्यास सुरुवात केली. त्यामुळे वातावरण तणावपूर्ण झाले. मतदारांचा रुद्रावतार पाहून कपिल पाटील यांनी तेथून काढता पाय घेतला.

कपिल पाटलांचा तोल ढासळला
कपिल पाटील यांच्या पायाखालची वाळू सरकली आहे. त्यामुळेच त्यांचा तोल ढासळला आहे. मतदान केंद्रांवर जाऊन मतदारांना बाहेर हाकला, असे सांगणाऱ्या कपिल पाटलांविरोधात मतदारांमध्ये प्रचंड प्रक्षोभ निर्माण झाला. त्यानंतर संयम सुटलेल्या पाटील यांनी पोलीस अधिकारी आणि निवडणूक अधिकाऱ्यांना मतदान केंद्रांवर जाऊन शिवीगाळ केली. हे निंदनीय आहे. कपिल पाटलांचा मी तीव्र निषेध करतो.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.