शुक्रवारपासून अकरावी ऑनलाइन प्रवेश

मुंबई महानगरक्षेत्रासह पुणे, पिंपरी-चिंचवड, नाशिक, अमरावती आणि नागपूर महापालिकेतील अकरावी ऑनलाइन प्रवेशाच्या अर्जाचा भाग-1 भरण्यासाठी शुक्रवारी, 24 मेपासून सुरुवात होणार आहे. अकरावी प्रवेशासाठी यंदा तीन नियमित फेऱया, दोन विशेष फेऱया होणार आहेत. तर त्यानंतरही विद्यार्थ्यांना प्रवेश न मिळाल्यास विशेष आणि दैनंदिन गुणवत्ता फेरी घेतली जाणार आहे. तर प्रत्येक फेरीसोबत कोटांतर्गत प्रवेश समांतर पद्धतीने सुरू राहणार आहे.

अकरावीचे हे प्रवेश यंदा पेंद्रीय प्रवेश फेऱयांच्या माध्यमातून केले जातील. व्यवस्थापन, अल्पसंख्यांक आणि इनहाऊस कोटय़ातील प्रवेश महाविद्यालयांना संपर्क साधून केले जाणार आहेत. कोटय़ातील जागा रिक्त राहिल्यास त्या पेंद्रीय प्रवेशासाठी प्रत्यार्पित केल्या जातील. कोटय़ातील प्रवेश हे संबंधित कनिष्ठ महाविद्यालय स्तरावरून गुणवत्तेनुसार देण्यात येतील.

22 मेपासून सराव

प्रक्रियेसाठी 22 ते 23 मे या कालावधीत विद्यार्थ्यांना अर्ज भरण्याचा सरावा करण्यासाठी  https://11thadmission. org.in/ पोर्टलवर डमी लॉगीन आणि त्यावर यासाठीच्या सुविधा दिल्या जातील. मात्र प्रत्यक्ष अर्जाचा पहिला भाग भरण्याची प्रक्रिया ही 24 मे पासूनच सुरू होणार असून दहावीच्या निकालानंतर दुसरा भाग भरण्याची प्रक्रिया सुरू होईल.

मुंबई क्षेत्रातील अकरावीची स्थिती

मुंबई महापालिका क्षेत्रात 2 हजार 385 कनिष्ठ महाविद्यालयांमध्ये मागील वर्षी 3 लाख 89 हजार 675 जागा उपलब्ध होत्या. त्यापैकी 2 लाख 67 हजार 862 जागांवर म्हणजेच केवळ 69 टक्के प्रवेश झाले तर उर्वरित 1 लाख 21 हजार 813 जागा रिक्त राहिल्या होत्या. तर तब्बल 242 महाविद्यालयांध्ये एकही प्रवेश झाला नव्हता. 320 महाविद्यालयांध्ये 20 टक्के तर 443 मध्ये 50 टक्के आणि 306 महाविद्यालयांध्ये 100 टक्के प्रवेश झाले होते.