उत्तर मध्य मुंबईत सर्वसामान्यांच्या प्रतिसादानंतरही टक्का कमीच

उत्तर मध्य लोकसभा मतदारसंघात आज संध्याकाळी पाचपर्यंत झालेल्या मतदानाला सर्वसामान्यांनी भरभरून प्रतिसाद दिला. मात्र, सरासरी मतदान कमी झाले. संध्याकाळी पाच वाजेपर्यंत 48.66 टक्के मतदान झाले तर एपूण मतदान 51.42 टक्के झाले. सांताक्रुझ, वांद्रे पूर्व या परिसरात मुस्लीम मतदार मोठय़ा संख्येने बाहेर पडले होते.

सकाळपासून संथ गतीने सुरू झालेल्या मतदानाला दुपारी 3 नंतर गती मिळाली. विलेपार्ले विधानसभा क्षेत्रात 56.01 टक्के, चांदिवली विधानसभा क्षेत्रात 49.03, पुर्ला विधानसभा क्षेत्रात 50.02, कलिना विधानसभा क्षेत्रात 51.58, वांद्रे पूर्व विधानसभा क्षेत्रात 51.85 तर वांद्रे पश्चिम विधानसभा क्षेत्रात 51.53 टक्के असे एपूण 51.42 टक्के मतदान झाले.

विलेपार्लेत संथ मतदानामुळे गर्दी, मतदान न करताच मतदार परतले 

विलेपार्ले येथे संथ गतीने मतदान सुरू राहिल्यामुळे मोठी गर्दी झाली होती. त्याचा फटका मतदारांना बसला. शहाजीराजे हायस्पूलमधील मतदान केंद्रांवर हा प्रकार घडला. याबाबत मतदारांनी तीव्र नाराजी व्यक्त केली. नाराज झालेले काही मतदार मतदान न करताच पुन्हा घरी परतले. निवडणूक कर्मचाऱयांनी सहा वाजता गेट बंद करून रांगेत असलेल्या मतदारांचे मतदान घेण्यात आले. या केंद्रावर शेवटचे मतदान साडेसातला झाले.

शेवटी आजोबांनी मतदान केलेच!

उत्तर-मध्य मतदारसंघातील वांद्रे पूर्व विधानसभा क्षेत्रातील नवजीवन विद्या मंदिर या मतदान केंद्रावर एक आजोबा आले खरे पण त्यांनी मतदान ओळखपत्र न आणल्यामुळे त्यांना परत जावे लागले. नाकात नळी, त्यांना बोलताही येत नव्हते. त्यामुळे ते केवळ खाणाखुणा करत होते. हे आजोबा पुन्हा येतील का, असे वाटत असताना पुन्हा काही वेळातच ओळखपत्र घेऊन ते पुन्हा मतदान केंद्रात आले. येताना त्यांना एका तरुणाने बाईकवरून मतदान केंद्रापर्यंत सोडले. त्यानंतर निवडणूक आयोगाने नेमलेल्या कर्मचाऱयाने व्हिलचेअरवरून त्यांना केंद्रापर्यंत नेले आणि शेवटी त्यांनी मतदान केले.