“दिल्ली सोडा अन्यथा…”, केजरीवाल यांना जीवे मारण्याची धमकी; मेट्रोतील फोटो शेअर करत ‘आप’चा भाजपवर आरोप

दिल्लीचे मुख्यमंत्री आणि आम आदमी पार्टीचे राष्ट्रीय संयोजक अरविंद केजरीवाल यांना जीवे मारण्याची धमकी देण्यात आली आहे. ‘आप’ने दिल्ली मेट्रोतील फोटो शेअर केले असून केजरीवाल यांचा जीव धोक्यात असल्याचे म्हटले आहे. भारतीय जनता पक्ष केजरीवाल यांच्यावर जीवघेणा हल्ल्याचा प्रयत्न करत असल्याचा आरोप आप नेते आणि राज्यसभा खासदार संजय सिंह यांनी केला आहे.

दिल्लीचे मुख्यमंत्री अरविंद केजरीवाल यांना खुलेआम जीवे मारण्याची धमकी दिली जात आहे. पीएमओ, भाजप आणि नरेंद्र मोदींच्या इशाऱ्याने राजीव चौक, पटेल नगर मेट्रो स्थानकावर धमकीचा संदेश लिहिण्यात आला आहे. केजरीवाल यांच्या जीवाचे काही बरेवाईट झाल्यास याला भाजप आणि नरेंद्र मोदी जबाबदार असतील, असा इशारा ‘आप’ने दिला आहे.

दिल्ली के मुख्यमंत्री अरविंद केजरीवाल जी को सरेआम दी जा रही जान से मारने की धमकी

PMO, BJP और नरेंद्र मोदी के इशारे पर राजीव चौक, पटेल नगर मेट्रो स्टेशन पर लिखी गई धमकी।

अरविंद केजरीवाल जी को कुछ भी होता है तो इसके लिए सीधे तौर पर बीजेपी और नरेंद्र मोदी ज़िम्मेदार होंगे। pic.twitter.com/vbbybDFSfJ

— AAP (@AamAadmiParty) May 20, 2024

‘आप’चे खासदार संजय सिंह यांनी सोमवारी सकाळी पत्रकार परिषद घेत केजरीवाल यांच्या जीवाला धोका असल्याची माहिती दिली. केजरीवाल तुरुंगातून बाहेर आल्यापासून भाजप सैरभैर झाली आहे. भाजप केजरीवाल यांच्यावर जीवघेणा हल्ल्याचे षडयंत्र रचत आहे. हे सगळे षडयंत्र पीएमओ कार्यालयातून रचले जात आहे. राजीव चौक आणि पटेल नगर मेट्रो स्थानकावर केजरीवाल यांच्याविरोधात धमकीचे संदेश लिहिण्यात आले आहेत, असा आरोप संजय सिंह यांनी केला.