गुरुचरण सिंग घरी परतल्यानंतर निर्माते असित मोदी यांची पहिली प्रतिक्रिया

‘तारक मेहता का उल्टा चश्मा’ मालिकेत सर्वांना आपल्या विनोदबुद्धीने हसवणारा रोशन सिंग सोढी म्हणजे अभिनेता गुरुचरण सिंग गेल्या 25 दिवसांपासून बेपत्ता होता. अखेर अभिनेता 17 मे रोजी घरी परतला आहे. घरी परतल्यानंतर अभिनेत्याचा फोटो देखील समोर आला. सध्या सर्वत्र फक्त आणि फक्त गुरुचरण याच्या खासगी आणि प्रोफेशनल आयुष्याची चर्चा रंगली आहे. दरम्यान, मालिकेचे निर्माते असित मोदी यांनी देखील गुरुचरण याच्याबद्दल मोठं वक्तव्य केलं आहे.

असित मोदी नुकताच झालेल्या मुलाखतीत म्हणाले, ‘मी खूप आनंदी आहे. कारण तो परत आला. मी त्याला त्याच्या पुढच्या आयुष्यासाठी शुभेच्छा देतो. मी त्याच्या कुटुंबियांच्या संपर्कात आहे. तो नक्की कुठे गेला आहे… ही चिंता आम्हाला देखील सतावत होती. पण आता आला आहे, तर सर्वांनी मोकळा श्वास घेतला आहे.’

‘मला त्याच्याबद्दल अधिक काही माहिती नाही. पण आता गुरुचरण सिंगचं कुटुंबिय आनंदात आहे.’ असं देखील ‘तारक मेहका का उल्टा चष्मा’ मालिकेचे निर्माते अतिस मोदी म्हणाले आहेत. गुरुचरण याने 16 वर्ष मालिकेत काम केलं. पण गेल्या काही दिवसांपूर्वी मालिकेचा निरोप घेतला आहे.

Taarak Mehta Ka Ooltah Chashmah fame actor Gurucharan Singh has returned home on 17 May. He had gone missing on 22nd April. The Police have recorded his statement in the court. Gurucharan Singh said he had gone away from home on a spiritual journey: Delhi Police

(Pic source:… https://t.co/58EpY0ENVk pic.twitter.com/0YW3z9gWue

— ANI (@ANI) May 18, 2024

 

रिपोर्ट्सनुसार, घर सोडण्यापूर्वी गुरुचरण सिंगची आर्थिक स्थिती चांगली नव्हती. शिवाय अभिनेता डिप्रेशनमध्येही असल्याची माहिती समोर आली होती. आता अभिनेता घरी परतला आहे. घरी परतल्यानंतर लगेचच, दिल्ली पोलिसांनी अभिनेत्याची चौकशी केली आणि स्थानिक न्यायालयात अभिनेत्याचा जबाब नोंदवण्यात आला आहे.

अभिनेता म्हणाला, दुनियादारी सोडून धार्मिक प्रवासासाठी गेलो होतो. कधी अमृतसर तर कधी लुधियानातील गुरुद्वारामध्ये राहत होतो. अखेर कळंल की आता घरी जायला हवं… म्हणून पुन्हा घरी आलोय… असं देखील अभिनेता चौकशीमध्ये म्हणाला आहे. सध्या सर्वत्र फक्त आणि फक्त अभिनेत्याची चर्चा रंगली आहे.