पैसे वाटपाच्या प्रश्नावर निवडणूक आयोगाचे मौन

लोकसभा निवडणुकीच्या चौथ्या टप्प्यात अनेक ठिकाणी पैसेवाटपाचे व्हिडीओ व्हायरल झाले. काही उमेदवारांची नावे घेऊन त्यांना मतदान करा असे व्हिडीओ व्हायरल होत आहेत तरीही यंत्रणा गप्प आहेत, असा प्रश्न केला असता अशा प्रकरणांत कारवाई केली आहे. त्याबाबतची आकडेवारी जाहीर करू, पैसेवाटपावर कारवाई करू, असे मोघम उत्तर देत राज्याचे मुख्य निवडणूक अधिकारी एस. चोक्कलिंगम यांनी प्रश्नाला बगल दिली. मुख्य निवडणूक अधिकारी एस. चोक्कलिंगम यांची आज मंत्रालयात पत्रकार परिषद झाली.

ते म्हणाले, ‘मतदान झाल्यानंतर सुरक्षा व्यवस्थेत ईव्हीएम मशीन स्ट्राँग रूममध्ये ठेवल्या जातात. त्यावेळी सर्व उमेदवारांच्या उपस्थितीत ही स्ट्राँग रूम सील केली जाते. त्यानंतर त्यावर सह्या घेतल्या जातात. येथे उमेदवारांचे प्रतिनिधीही पहारा देऊ शकतात. तसे काही ठिकाणी आहेत. पुणे आणि बारामती येथे उमेदवारांचे प्रतिनिधी पहारा देत आहेत. स्ट्राँग रूमबाहेर पेंद्रीय सुरक्षा यंत्रणा, सीआरपीएफ आणि त्यानंतर स्थानिक पोलिसांचा पहारा असतो. तीन टप्प्यांतील यंत्रणा भेदून आत जाणे पुणालाही शक्य नाही. बीडमधील मतदान पेंद्र ताब्यात घेण्याच्या प्रकाराबाबत आपल्याकडे तक्रार न आल्याचे चोक्कलिंगम म्हणाले. अशी तक्रार आल्यास कारवाई करू, असेही ते म्हणाले.