मुंबईकरांनो जबाबदारीने मतदान करा, उद्योगपती रतन टाटा यांचे आवाहन

लोकसभा निवडणुकीत पाचव्या टप्पाचे मतदान 20 मे रोजी होणार आहे. दरम्यान, या आधीच्या टप्प्यात अनेक कलाकारांनी मतदानाचा हक्क बजावला आहे. या पार्श्वभूमीवर टाटा सन्सचे अध्यक्ष एमेरिटस आणि उद्योगपती रतन टाटा यांनी नागरिकांना 2024 च्या लोकसभा निवडणुकीत उत्साहाने सहभागी होण्याचे आवाहन केले आहे. रतन टाटा यांनी सोशल मीडियावर याबाबत पोस्ट शेअर केली आहे.

Monday is voting day in Mumbai. I urge all Mumbaikars to go out and vote responsibly.

— Ratan N. Tata (@RNTata2000) May 18, 2024

टाटा ट्रस्टचे अध्यक्ष रतन टाटा यांनी सोशल मीडिया प्लॅटफॉर्म X वर आपला संदेश जारी केला. निवडणुकीत जबाबदारीने मतदान करावे, असे आवाहन त्यांनी देशवासीयांना केले.

As responsible Indian citizens we must exercise our right to vote this Monday in Maharashtra. Let’s carry out our duty as Indians and vote keeping our country’s best interests in mind. Go forth Promote, our right to Vote.

— Shah Rukh Khan (@iamsrk) May 18, 2024

दरम्यान, बॉलीवूडचा किंग खान म्हणजेच शाहरुख खाननेही नागरिकांना मतदान करण्याचे आवाहन केले आहे. ‘सोमवारी मुंबईत मतदानाचा दिवस आहे. मी तमाम मुंबईकरांना आवाहन करतो की मतदानासाठी जा आणि जबाबदारीने मतदान करा’, असे त्याने या पोस्टमध्ये लिहिले आहे.

लोकसभा निवडणूक 2024-
देशाची आर्थिक राजधानी असलेल्या मुंबईत लोकसभेच्या एकूण 6 जागांवर आणि मुंबई महानगर प्रदेशातील (MMR) 4 जागांवर सोमवारी मतदान होणार आहे. यामध्ये मुंबई उत्तर, मुंबई उत्तर पूर्व, मुंबई उत्तर पश्चिम, मुंबई उत्तर मध्य, मुंबई दक्षिण आणि मुंबई दक्षिण मध्य यांचा समावेश आहे.