मोशीत होर्डिंग कोसळले; तीन वाहनांचा चक्काचूर

घाटकोपर येथील होर्डिंग दुर्घटना ताजी असतानाच आज (गुरुवार) मोशी येथे वादळी वाऱयाने भल्यामोठय़ा होर्डिंगचा लोखंडी सांगाडा कोसळला. या घटनेत सुदैवाने जीवितहानी झाली नसली तरी दोन दुचाकाRसह एका टेम्पोचा चक्काचूर झाला. दरम्यान, हे होर्डिंग अधिकृत असल्याचा दावा महापालिका प्रशासनाने केला असला तरी अधिकृत होर्डिंगही किती धोकादायक आहेत, हे या घटनेने स्पष्ट झाले आहे. संबंधित होर्डिंगधारकावर गुन्हा दाखल करण्यात येणार आहे.

मोठय़ा शहरांमधील होर्डिंगचा विषय चव्हाटय़ावर आला आहे. पिपरी-चिंचवड शहरात किवळे येथे गेल्या वर्षी 17 एप्रिल रोजी होर्डिंगचा लोखंडी सांगाडा कोसळून पाचजणांना जीव गमवावा लागला होता. शहरातील काही भागात गुरुवारी (दि. 16) दुपारी वादळी वाऱयासह मुसळधार पाऊस झाला. मोशी येथील गणेश साम्राज्य चौकात होर्डिंग उभारण्यात आले होते. हे होर्डिंग आनंद गांधी यांच्या आनंद जाहिरात एजन्सीचे आहे. या होर्डिंगचा आकार 20 बाय 40 असा आहे. सोसाटय़ाच्या वाऱयामुळे हे होर्डिंग सायंकाळी साडेचारच्या सुमारास वाकले आणि कोसळले. या होर्डिंगच्या सांगाडय़ाखाली एक पत्र्याचे शेड, एक टेम्पो आणि दोन दुचाकी उभ्या होत्या. त्यात टेम्पोसह दुचाकीचे मेठय़ा प्रमाणात नुकसान झाले. ही वाहने रस्त्याकडेला उभी केलेली असल्याने सुदैवाने यात जीवितहानी किंवा कोणीही जखमी झाले नाही. हे होर्डिंग पुणे-नाशिक महामार्गालगतच उभे केले होते. सुदैवाने ते रस्त्यावर पडले नाही.